Receta

Pispili me presh sipas traditës korçare nga amvisa Dhurata Dino

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 28 Tetor, 11:57 | Përditesimi: 28 Tetor, 12:02

Pispili me presh

Përbërësit:

500 gr miell misri
1 kg presh
2 vezë
100 gr gjizë ose djathë
1 gotë qumësht
1 gotë kos
Vaj ulliri
Kripë, piper

Përgatitja:

LEXO EDHE:
Pulë e mbushur nga zonja Albana

Fillimisht përgatisim mbushjen e pispilisë. Kaurdisim preshin mirë, e rregullojmë me kripë e piper dhe e lëmë të ftohet. Ndërkohë përgatisim brumin e pispilisë, i cili duhet të jetë një masë homogjene e rrjedhshme, jo e fortë. Hedhim në një tas miellin e misrit, pak vaj ulliri dhe ujë. E trazojmë mirë dhe e shtrojmë brumin duke e hapur me duar në të gjithë hapësirën e tavës, të cilën e kemi lyer me pak vaj. Tek preshi i kaurdisur shtojmë vezët, kosin dhe djathin e thërrmuar. E vendosim mbushjen mbi petën e misrit që kemi hapur në tavë dhe e nivelojmë mirë. Trazojmë në një tas pak qumësht, pak kos dhe pak miell misri. E përziejmë mirë dhe e shtojmë mbi pispilinë, të cilën e vendosim të piqet në furrë të parangrohur në temperaturën 180 gradë Celsius derisa të marrë një ngjyrë të bukur në sipërfaqe.