Receta

Pispili me spinaq dhe presh nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 3 Janar, 13:14 | Përditesimi: 3 Janar, 13:15

Pispili me spinaq dhe presh

Përbërësit:

1 kg spinaq dhe presh
3 kokrra vezë
2 gota miell misri
1 gotë kos
1 gotë ujë
100 gr djathë të bardhë
1 gotë shëllirë djathi
1 fk vaj ulliri
1 lgj gjalpë
Piper i zi

Përgatitja:

LEXO EDHE:
Pulë me oriz në furrë nga zonja Albana

Spinaqin dhe preshin e grijmë imët dhe e kaurdisim me vaj ulliri derisa të ulë vëllimin. Më pas shtojmë një gotë ujë dhe e lëmë të ziejë. Pasi preshi e ka përthithur ujin shtojmë shëllirën e djathit duke e përzier mirë, shtojmë kosin, vezët e rrahura, piper të zi dhe djathin e bardhë të thërrmuar.

Fillojmë dhe hedhim miellin e misrit avash avash duke e trazuar me një rrahëse vezësh që mielli të mos bëhet kokrra kokrra. E hedhim të gjithë masën në një tavë, e nivelojmë mirë, e spërkatim sipërfaqen me miell misri dhe vendosim disa copëza gjalpi. E spërkatim edhe me pak ujë dhe e vendosim në furrë të parangrohur në 180 gradë Celsius. Do ta lëmë në furrë derisa të bëhet kore, e stakojmë temperaturën dhe e lëmë tavën në furrë për 10 minuta. Më pas e nxjerrim nga furra, e presim dhe e servirim të ngrohtë duke e shoqëruar me kos.

MC/Shqiptarja.com

TAG: