Receta

Pispili me spinaq dhe qepë të njoma nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 17 Prill, 11:56 | Përditesimi: 17 Prill, 11:58

Pispili me spinaq dhe qepë të njoma

Përbërësit:

500 gr spinaq
3 qepë të njoma
200 gr djathë i bardhë
100 ml vaj ulliri
1 gotë miell misri
1 gotë qumësht
2 kokrra vezë
Kripë, piper
Majdanoz, kopër

Përgatitja:

LEXO EDHE:
Pulë e mbushur nga zonja Albana

Pasi e lajmë spinaqin, e grijmë dhe e shtypim me dorë, më pas e shtrydhim sa t’i dalë uji i tepërt dhe e vendosim në një tas. Shtojmë vezët, qepën, djathin, gjysmën e qumështit, vajin, kripën, piperin, majdanozin dhe koprën. I trazojmë mirë dhe në fund shtojmë tre lugë gjelle miell misri. Shtojmë pak vaj ulliri në fund dhe e shtrojmë pispilinë në tavë të lyer me vaj dhe të pudrosur mirë me miell misri. E shtrijmë me lugë dhe sipër masës hedhim përsëri miell misri dhe qumësht për ta njomur sipërfaqen. E spërkasim me vaj ulliri dhe e pjekim në 220 gradë për 30 minuta.

MC/Shqiptarja.com

TAG: