Receta

Pite me kimë si dikur / Shije nostalgjie nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 15 Tetor, 11:22 | Përditesimi: 15 Tetor, 11:24

Pite me kimë

Përbërësit:

500 gr miell
1 filxhan çaji qumësht
1/2 filxhan çaji ujë
1 filxhan kafeje vaj
20 gr maja
1 lugë kafeje kripë
1 lugë kafeje sheqer
Për kimën:
250 gr mish i grirë
1 qepë
1 spec
1 domate e madhe
3-4 lugë vaj
Kripë, piper i zi
Piper i kuq
Djathë kaçkavall
Majdanoz

Përgatitja:

LEXO EDHE:
Pulë me oriz në furrë nga zonja Albana

Përgatisim brumin e piteve me qumësht, ujë të vakët, maja, vaj, kripë dhe pak sheqer. E punojmë mirë derisa të na formohet një brumë i butë. E mbulojmë dhe e lëmë të pushojë për rreth 1 orë. Më tej përgatisim kimën. Në një tigan hedhim vajin. Skuqim qepën e grirë imët, shtojmë mishin e grirë, duke e kaurdisur pak e më pas skuqim specin dhe domaten e grirë në kubikë. I hedhim kripë, piper të zi dhe të kuq. Pasi të ketë marrë shijen e duhur, gjellën e heqim nga zjarri. Brumin e ndajmë në 8 kulaçe, të cilat i hapim në formë rrethore, afërsisht 25 cm dhe mbi to hedhim kimën, pak djathë të grirë dhe pak majdanoz të grirë. Anët e piteve i kthejmë pak, që të mos derdhet kima kur të piqen. I vendosim në një tavë dhe i fusim në furrë për t'u pjekur, në 180 gradë për 20 minuta. Pitet mund edhe t'i skuqim në një tigan dhe më pas i hedhim kimën.