Pizza e shpejtë në tavë

Përbërësit:

  • 2 vezë
  • 2 gota qumësht
  • 3 lugë gjelle vaj
  • 1 filxhan + 2 lugë miell (rreth 160 gr)
  • 1 majë luge kripë

Për sipërfaqen (sipas dëshirës):

  • Djathë kaçkavall
  • Suxhuk ose sallam i thatë
  • Speca të kuq e jeshil
  • Ullinj, kërpudha ose misër

Përgatitja:

Fillimisht ngrohim furrën në 200°C. Përziejmë përbërësit e brumit derisa masa të bëhet homogjene. Vendosim letër pjekjeje në një tepsi dhe sigurohemi të mbulohet mirë edhe anash të mos rrjedhë masa. Hedhim brumin në tepsi dhe e shpërndajmë me lugë që të përhapet njëtrajtshëm. Shtojmë sipër përbërësit e preferuar për pizza (kaçkavall, suxhuk, speca etj.). E vendosim tavën në furrë për rreth 30 minuta, derisa të marrë ngjyrë të artë dhe të bëhet krokante anash.