POP 5

Lajmet më të lexuara të 5 minutave të fundit

Kronikë

SPAK sekuestron HEC-in ‘Drita’ të Erzen Breçanit dhe llogari bankare e makina të Ervin Matës! Vijojnë hetimet për prona që fshihen në emër të familjarëve

SPAK ka hyrë në fazën që po u sekustron pasuritë grupit të Erzen Brecanit, 4 prej të cilëve të arrestuar. Hec Drita në pronësi të Brecanit, konsiderohet pronë e ndërtuar me para droge, ndërkohë që Ervin Matës i janë sekuestruar llogari bankare dhe automjete.

Prokuroria e Posaçme ka sekuestruar HEC- “Drita” në pronësi të Erzen Breçanit dhe familjarëve të tij i përgjuar direkt në biseda për trafik kokaine dhe transaksione financiare.

Kurse Ervin Matës i janë sekuestruar, llogari bankare, automjete si dhe janë duke vijuar hetimet për prona të tjera në emër tyre të apo familjarëve.

Këtë të premte në Apelin e Posaçëm, do shqyrtohej ankimi që kanë bërë avokatët e personave të akuzuar, lidhur me kundërshtimin e sekuestros por seanca u shty për një ditë tjetër. Sekuestrot janë vendosur pasi SPAK dyshon se pasuritë janë ngritur nga aktiviteti kriminal i trafikut të drogës. 

Hetimi pasuror i nisur nga SPAK ndaj grupit kriminal ku doli i përfshirë Erzen Breçani, djali i tij Eralbi dhe i kërkuari Ervin Mata, vijon me mbledhjen e provave.

Më 24 nëntor 2023, shqiptarja.com e Report TV mësoi se përveç pasurive në emër të personave në hetim po verifikoheshin dhe pasuritë e familjarëve të tyre, dhe të këngëtares Elvana Gjata, e cila përmendet në dosje për përdorimin e llogarisë së saj bankare nga Ervin Mata. Ky i fundit ka kryer biseda në “Sky ECC” për trafikim droge në disa episode, ndërkohë që nuk rezulton të ketë në emër të tij ndonjë biznes.

Ish-drejtuesi i lartë i policisë Erzen Breçani u arrestua pas zbardhjes së disa bisedave ne aplikacionin SKY ECC, ku në pranga përfunduan disa persona, mes tyre edhe shefi i hetimit të krimeve Dedan Gjoni. Në dëshminë e tij të dhënë në gjyq, Erzen Breçani deklaroi se nuk kishte marrë para nga djali i tij dhe as nga Ervin Mata si dhe mohoi të kishte dijeni mbi aktivitetin kriminal të Eralbi Breçanit i cili ishte pjesë e grupit që trafkonte kokainë nga Amerika Latine drejt Europës.

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22