POP 5

Lajmet më të lexuara të 5 minutave të fundit

Kronikë

Durrës/ Arrestohet pjesëtari grupit kriminal 'Avdylaj', 34-vjeçari siguronte mjete për të kryer vrasje! Në kërkim edhe për shitje heroine (EMRI)

Denis Shahini, 34-vjeç është arrestuar nga policia pasi ishte shpallur në kërkim për shpërndarje të lëndëve narkotike të forta kryesisht heroinë. 34-vjeçari, sipas policisë ishte pjesëtar i një grupi kriminal në Durrës i cili shpërndan lëndë narkotike. Nga hetimet ka rezultuar së më 4 prill të 2022, i ka shitur heroinë në Vlorë një shtetasi me iniciale P.H.

DURRËS-  Denis Shahini nga Shijaku është prangosur nga policia pas një hetimi 17 mujor. Procedimi ndaj tij kishte nisur në vitin 2021 për trafik droge, armëmbajtje pa leje dhe sigurimi i kushteve e mjeteve për të kryer vrasje. Burime nga policia e Durrësit bënë të ditur se Shahini është pjesëtar i grupit “Avdylaj” ndaj dhe operacioni për arrestimin e tij është quajtur “Pjesëtari”.

“Nga hetimet e kryera u siguruan prova se ky shtetas ishte pjesëtar i një grupi kriminal në Durrës dhe ushtronte veprimtarinë kriminale të shpërndarjes së drogave të forta, kryesisht heroinë”, bën të ditur policia.

Në një nga episodet është regjistruar në prill të vitit kaluar kur është arrestuar në Vlorë  shtetasi me iniciale P. H. dhe ka rezultuar se heroinën ia ka shitur Denis Shahini. Prokuroria bazuar në provat e siguruara gjatë hetimit, më 1 mars të këtij viti lëshoi urdhër ndalimin që u ekzekutua nga policia këtë të hënë.

34-vjeçari Denis Shahini ka qenë i dënuar edhe në vitin 2016 për armë pa leje dhe vjedhje. Këto janë fotot që postonte asokohe nga burgu.

Rendit zhvillimet sipas orarit:
Ora 11:51
Pjesëtar i një grupi kriminal në Durrës, kush është 34-vjeçari që u prangos sot nga policia

 

Report Tv ka siguruar fotot e Denis Shahinit, i arrestuar si pjesëtar i nëj grupi kriminal në Durrës, i cili merret me shpërndarjen e lëndëve narkotike. Policia thotë se ka siguruar provat se 34 vjeçari ishte pjesëtar i një grupi kriminal në Durrës dhe se ushtronte veprimtarinë kriminale të shpërndarjes së drogave të forta, kryesisht të lëndës narkotike heroinë.

M.Q./Shqiptarja.com

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça