Kryetarja e Komisionit të Bujqësisë në Partinë e Lirisë, Silvana Bajrami është shprehur sot në një deklaratë për mediat se bujqësia është kthyer në një sektor inekzistent.
Sipas saj, mbështetja kryesore e buxhetit të planifikuar nga Bashkimi Evropian nëpërmjet IPARD II është zero.
“Bujqësia është një nga sektorët më të rëndësishëm të ekonomisë sonë dhe ka ndikim të drejtpërdrejtë në jetën e çdo qytetari. Megjithatë, sektori i bujqësisë është kthyer pothuajse inekzistent, pasi mbështetja kryesore e buxhetit të planifikuar nga BE, nëpërmjet IPARD II tashmë dihet që është 0 ( zero) mbështetje. Sfida kryesore në bujqësi dhe blegtori është mungesa e investimeve në infrastrukturën bujqësore. Pa mbështetjen e duhur për modernizimin e mjeteve dhe teknologjive të prodhimit, fermerët do të vazhdojnë të kenë vështirësi në rritjen e prodhimit dhe përmirësimin e cilësisë së produkteve të tyre. Fermerët sot po hedhin nëpër kanale prodhimet e tyre pasi importi ka mbytur Shqipërinë”, tha Bajrami.
Sipas programit të kësaj force politike, për sektorin e bujqësisë, ajo thotë se PL do të mbështesë bujqësinë me 30 miliardë lekë çdo vit.
“Partia e Lirisë do të mbështesë bujqësinë me 30 miliard lekë çdo vit dhe me indeksim progresiv në vitet në vazhdim. Mbështetja e blegtorisë me pagesa direkte për krerë dhe njësi prodhimi, për të 4-fishuar numrin e krerëve, shpendëve dhe prodhimin vendas. Do të realizohet subvencionim i prodhimit bujqësor për njësi të prodhimit, të sipërfaqes dhe për numër krerësh. Pagesë grant e menjëhershme prej 10 mijë euro për çdo biznes të ri bujqësor familjar të krijuar dhe përjashtim të tij nga taksat e tatimet për 5 vite”, deklaroi ajo.
Kryetarja e Komisionit të Bujqësisë në Partinë e Lirisë, thekson se kjo parti do të ofrojë mbështetje me 50 për qind të vlerës së investimit të impianteve të kompostimit të plehrave organike në fermat bujqësore, si edhe mbështetje me 50 përqind të vlerës së investimit për instalimin e impianteve fotovoltaike në pikat e grumbullimit dhe të përpunimit të prodhimit bujqësor dhe blegtoral.
Komente
Lajme të tjera
-
‘Studio Live’/ Logu: Demokratët Euroatlantikë të vetëm në zgjedhje, 13-15 mandate! Jakaj: Celibashi politik, kërkojmë kandidimin në një listë me PD, Basha-Kryemadhi gabuan
10 Janar, 17:52 -
Tedi Blushi: Borxhi publik u dyfishua që nga 2013, Rama e çoi në 5694 euro për banor! S’po i shërben qytetarëve, por po vjedh me PPP dhe ‘rrugë të florinjta’
9 Janar, 16:05 -
8 janari, Denis Dyrnjaja: Demokratët lëpinë atë që kanë pështyrë! Janë produkte të Berishës, çojnë kallëzime në SPAK, pastaj i thonë 'organizatë kriminale'
9 Janar, 14:26 -
Meta intervistë nga qelia nr. 5: Arrestimi im mafioz dhe banditesk, i pari i mora unë në pyetje prokurorët e SPAK! Izolimi në 12 m2 s’më pengon të kandidoj
8 Janar, 19:46 -
Debati në ‘Repolitix’, Valteri: Ilir Meta një palaço, më i korruptuari dhe i përfshirë në vrasje! Petraj: Rrezikon edhe Partia e Lirisë, mosdeklarim i parave për lobimin
7 Janar, 21:47 -
Bujqësia e nis vitin në rënie! Ekspertët: Duhet bankë shtetërore për fondet dhe kreditë për sektorin
7 Janar, 15:52
-
Pas raportit të UNESCO, Partia e Lirisë: Arsimi, emergjencë kombëtare
7 Janar, 14:41 -
'Berisha bëri ballkonin foltore politike', Mentor Kikia: Të njëjtën gjë po bën me paraqitjen në SPAK! Gjuha ndaj prokurorëve 'autogol'
7 Janar, 13:58 -
Vendi dje në ‘blackout’, Blushi: Energjia, plaçkë e Ballukut, korrupsion kriminal në sistemin energjitik!
6 Janar, 16:43 -
‘Të fillojmë tani, të mos presim të hënën!’ Braçe shpall 2 objektivat e radhës: Skema aktuale e dëmshme e Bujqësisë dhe një ditë pushimi për gra e vajza! (VIDEO)
3 Janar, 11:43 -
Ilir Meta prej dy muajsh në burg, deputetët e Partisë së Lirisë ‘e djegin’ në festën e fundvitit dhe i këndojnë këngë! (VIDEO)
29 Dhjetor 2024, 17:17 -
'SPAK po tregon se askush nuk është mbi ligjin', Lapardhaja: Berisha rrënoi PD, deputetët 'luftë' për karrige të sigurt në Kuvend
29 Dhjetor 2024, 12:53
