Plagosen disa francezë pas bastisjes së një feste të fshehtë nga policia franceze

Një 22-vjeçar humbi dorën dhe disa të tjerë u plagosën, në një aksion policor në Francë  për të prishur një festë të paautorizuar, deklaruan autoritetet. Gjatë përplasjeve mbeten të plagosur edhe pesë oficerë të sigurisë deklaroi prefekti Emmanuel Berthier në një konferencë shtypi.

Tensionet shpërthyen në një fushë pranë qytetit Redon të Brittany të Premten në mbrëmje dhe policia u detyrua në mënyrë të përsëritur të hapi gaz lotsjellës dhe akuzoi grupe të partive të dhunshme të hidhnin topa metali, bomba benzine dhe predha të tjera mbi forcat e sigurisë, sipas Berthier.

Autoritetet lokale vlerësuan se morën pjesë rreth 1,500 njerëz dhe më shumë se 400 oficerë u mobilizuan për operacionin. Festa u mbajt në shenjë nderimi për Steve Maia Caniço, një djalë i ri që vdiq në Francën perëndimore në një koncert techno.

24-vjeçari ra në lumin Loire ndërsa policia ndërhyri për të mbyllur festën, duke shkaktuar kritika për reagimin e tyre të ashpër.

Berthier akuzoi të pranishmit për dhunë "ekstreme" dhe "të pafalshme". Policisë iu deshën më shumë se shtatë orë për të shpërndarë turmën dhe autoritetet ishin ende duke evakuuar njerëzit nga fusha të shtunën në mëngjes, u tha Berthier gazetarëve.

Ai tha se një hetim është duke u zhvilluar në lidhje me ngjarjet brenda natës, duke përfshirë edhe mënyrën se si 22-vjeçari humbi dorën e tij. Shefi i xhandarmëmërisë rajonale Pierre Sauvegrain i tha radios France Info se burri besohej se kishte marë në dorë një objekt që i shpërtheu, pa dhënë detaje. Një festë e fshehtë gjatë festave të Vitit të Ri në të njëjtën zonë tërhoqi të paktën 2,500 njerëz dhe çoi në arrestime të shumta.

Franca ka hequr gradualisht kufizimet javët e fundit pasi infeksionet zbehen dhe vaksinimet rriten. Franca ka hequr kërkesën për të mbajtur maskë në ambiente të hapura në publik dhe ka hequr nga fuqia shtetrrethimin natën.

S.M./B.K./Shqiptarja.com
  • Sondazhi i ditës:

    A duhet të jetë Berisha pjesë e grupit parlamentar të PD në Kuvend?

Komento


×

Lajmi i fundit

John

Certifikatë vaksinimi dhe test negativ për të hyrë në restorant, Mali i Zi miraton masa të reja anti-COVID