Plagosën njëri-tjetrin me armë pas konfliktit për pronën, arrestohen 4 kushërinjtë në Thumanë

Krujë-Katër kushërinjtë që plagosën mbrëmjen e 25 korrikut, njëri-tjetrin me armë në Thumanë janë vendosur në pranga.

Uniformat blu sekuestruan në vendin e ngjarjes armën e zjarrit të efektivit të policisë Sahit Ahmetaj (Sela), municion luftarak (2 fishekë) dhe gëzhoja.

“Sahit Ahmetaj (Sela) 55 vjeç, banues në Fushë-Krujë, i dyshuar për kryerjen e veprës penale "Vrasja me dashje", mbetur në tentativë, kryer në bashkëpunim, parashikuar nga neni 76/22/25 i Kodit Penal;

LEXO EDHE:
Sherr për pronësinë në Kurbin, kushërinjtë qëllojnë me armë ndaj njëri-tjetrit, 3 të plagosur! Polici gjuan me armën e shërbimit

Adrian Sela 45 vjeç, Fatos Sela 33 vjeç, Ylli Sela 40 vjeç, të tre banues në Mamurras, të dyshuar për kryerjen e veprave penale "Vrasja me dashje", mbetur në tentativë, kryer në bashkëpunim, dhe "Mbajtja pa leje dhe prodhimi i armëve, armëve shpërthyese dhe i municionit", parashikuar nga nenet 76/22/ 25 dhe 278 të Kodit Penal”, thuhet në njoftimin e policisë.

Ngjarja ndodhi në afërsi të një fabrike çimentoje në Mamurras të Krujës. Shkak është u bë një konflikt për pronën i cili ka përfunduar deri në përdorimin e armëve të zjarrit. Të plagosur mbetën polici Sahit Ahmetaj (Sela), kushëriri i tij Adrian Sela dhe Fatos Sela.

Oficeri i policisë qëlloi me armën e shërbimit, teksa ka qenë jashtë orarit të punës. Ardian Sela me të vëllanë Fatos Sela po kryenin punime për rrethimin e një sipërfaqe toke e cila pretendohet nga dy palët.

Xh.K/Shqiptarja.com

TAG:
• Thumane
• Sahit Ahmetaj (Sela)
• Adrian Sela
• fatos sela
• Ylli Sela