Një plagosje më armë zjarri ka ndodhur në zonën e Kombinatit në kryeqytet. Ngjarja ka ndodhur rreth orë 21:15 në rrugën “Hamdi Pepa”.
Burime nga policia kanë bërë të ditur se, i plagosuri është identifikuar si Igert Kazazi 21 vjeç.

Ky i fundit është dërguar në spital për të marrë ndihmën mjekësore. Në vendin e ngjarjes kanë mbërritur uniforma shuma policie dhe kanë nisur hetimet në lidhje me shkaqet dhe autorin.

Gjatë hetimeve të mbrëmjes së djeshme, policia ende nuk kishte idenfikuar autorin, apo autorët e kësaj ngjarjeje të rëndë. Ndërkaq nuk dihen edhe shkaqet e plagosjes së 21-vjeçarit në zonën e Kombinatit. Policia ka bërë kontrolle të shumta gjatë natës për autorët.