Që nga hyrja në fuqi e armëpushimit në Gaza më 11 tetor, të paktën 89 persona janë vrarë dhe 317 janë plagosur, sipas Organizatës Botërore të Shëndetësisë (OBSH). Drejtori i Përgjithshëm i OBSH-së, Tedros Adhanom Ghebreyesus, theksoi se "kriza në Gaza është larg përfundimit" dhe se "nevojat e popullsisë mbeten të mëdha".

Ndërkohë, zëvendës presidenti amerikan JD Vance theksoi edhe njëherë se SHBA nuk do të dërgojnë asnjë trup në terren në enklavë, por theksoi edhe njëherë rëndësinë e mbajtjes në fuqi të armëpushimit.

"Nuk do të ketë trupa amerikane në terren në Gaza, por lidershipi amerikan është thelbësor për arritjen e kësaj paqeje dhe do të nevojitet për ta mbikëqyrur atë", tha ai pas vizitës tre ditore në Izrael.

Një ditë më parë Vance theksoi se armëpushimi po respektohet dhe se çarmatimi i Hamasit do të kërkojë kohë. Sipas tij, do të jetë një forcë ndërkombëtare sigurie që ende nuk është formuar e cila do të ndihmojë në çarmatimin e lëvizjes islamiste, një nga problematikat më të mëdha sa i përket marrëveshjes së paqes.

Vance përsëriti gjithashtu qëndrimin e presidentit Trump që Izraeli nuk duhet të aneksojë Bregun Perëndimor.

Ndërkohë, Hamasi ka përsëritur angazhimin e tij për të respektuar marrëveshjen e armëpushimit. Sipas Hamasit, faza e parë e marrëveshjes me dorëzimin e pengjeve ka përfunduar, ndërsa faza e dytë e marrëveshjes kërkon diskutime.

lajm në përditësim..

Rendit zhvillimet sipas orarit:
Ora 17:26
Armëpushimi në Gaza/ Hamasi: Faza e parë e marrëveshjes është respektuar, e dyta kërkon diskutime

1760802152_gaza.avif

Hamasi ka përsëritur angazhimin e tij të plotë për të respektuar marrëveshjen e armëpushimit. Hamasi deklaroi se kishte përfunduar fazën e parë të marrëveshjes me dorëzimin e pengjeve të gjallë dhe disa trupave të të vdekurve dhe se aktualisht po punon për të finalizuar dorëzimin e pengjeve të mbetura.

Hamasi pohon se faza e dytë e marrëveshjes kërkon diskutime dhe marrëveshje të mëtejshme me ndërmjetësuesit, për shkak të çështjeve komplekse që ajo përfshin.

S.B/Shqiptarja.com