POP 5

Lajmet më të lexuara të 5 minutave të fundit

Politikë

Plani urbanistik, debatet dhe
akuzat për miratimin e tij

Plani i ri urbanistik i kryeqytetit u miratua në fund të vitit të kaluar mes akuzave dhe debateve që zgjatën 10 orë mes anëtarëve të këshillit bashkiak. PD dhe LSI bashkuan votat, PS ishte kundër.
Plani urbanistik, debatet dhe<br />akuzat për miratimin e tij
TIRANE - Plani i ri urbanistik i Kryeqytetit, ku pjesë e tij është dhe zgjatimi i bulevardit kryesor deri në Paskuqan, është miratuar që në datën 24 dhjetor të vitit të kaluar mes debateve të gjata në mbeldhjen e Këshillit Bashkiak prej 10 orësh. Ky plan ka marrë shumicën e votave në Këshill, PD-së dhe LSI-së, ku opozita e ka kundërshtuar me argumentet se ky plan ishte klientelist. Plani ka marrë 28 vota pro, 11 kundër dhe 1 abstenim.

Ky plan u bë dhe shkak për debatet e shumta në mbledhjen e fundit të Këshillit bashkian për vitin 2012. Këshilltarët e majtë në këtë këshill, i kërkuan kryebashkiakut Basha që të mos miratonte asnjë plan tjetër urbanistik, pasi plani ka qenë që në kohën kur Edi Rama ka qenë kreu i bashkisë më të madhe në vend. “Plani ekziston dhe prej dy vitesh është në faqe zyrtare të Bashkisë, për të cilin janë dhënë dy milionë euro. Vota jonë për planin do të jetë kundër”, ka qenë qëndrimi i kreut të këshilltarëve të majtë në këtë këshill.

QËNDRIMI I BASHËS

Gjatë diskutimeve në mbledhje Kryetari i Bashkisë së Tiranës, Lulzim Basha mbrojti projektin për Planin Urbanistik, duke e konsideruar atë një plan real që do të jetë Kushtetuta e qytetit. Basha bëri të ditur se plani urbanistik për Tiranën parashikon 3 m katror hapësirë të gjelbër për person, nuk do të prekë asnjë cm të digës së liqenit artificial, as hapësirën e Klubit Dinamo. Ai rrëzoi pretendimet e anëtarëve të majtë në këshill me faktin se plani i vjetër ka qenë thjesht një shpenzim parash dhe asnjë gjë konkrete.

Ndërkaq ujërat e zeza nuk do të derdhen më në Lanë, pasi në Paskuqan do të ndërtohet impianti i pastrimit të ujërave të zeza. Ndërkaq Basha cilësoi si shkatërruese mbikalimet për qytetarët në Tiranë dhe tha se plani ka propozim të ri rreth kësaj pike. Por kjo mbledhje në Këshillin bashkiak përvec debateve ka patur edhe pika bashkimi mes qëndrimet të mazhorancës dhe opozitës. Këto janë vlerësuar si vendime historike të mbledhjeve të Këshillit, ku palët ranë dakort që kategoritë e bizneve luleshitës dhe librashitës të kenë ulje të taksave me 30%.

Shkrimi u botua sot në gazetën Shqiptarja.com (print) 03.09.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Refleksionet e historianit të njohur: Ismail Qemali e mori flamurin e Pavarësisë të qëndisur me fije ari prej Naços, i cili e mbante në duart e veta, por sot kësaj dite mbetet enigmë

Refleksionet e historianit të njohur: Ismail Qemali e mori flamurin e Pavarësisë të qëndisur me fije ari prej Naços, i cili e mbante në duart e veta, por sot kësaj dite mbetet enigmë

28 Nëntor, 08:54