Plas skandal përgjimesh në Kosovë
ja bisedat mes drejtuesve të PDK

Plas skandal përgjimesh në Kosovë<br />ja bisedat mes drejtuesve të PDK
Skena politike kosovare është përballur me një skandal përgjimesh që ka protagonist deputetin e PDK-së Adem Grabovcin si dhe emra të tjerë të kësaj partie, ndër ta kryetari aktual Kadri Veseli, presidenti Hashim Thaçi dhe deputeti Azem Syla.

Deputetit Gravovci i janë përgjuar biseda të shumta telefonike por deri tani janë publikuar vetëm një pjesë e tyre. Sipas Insajderit Grabovci ka biseduar me kolegët e tij të partisë për favore të ndryshme. Ai ka ndikuar në emërimet e prokurorëve dhe gjyqtarëve.

Vetëm për dy muaj, nëntor – dhjetor 2011, ai ka punësuar qindra njerëz, ka zgjedhur dhjetëra kryetarë e anëtarë bordesh, drejtorë ndërmarrjesh e agjencish të pavarura.
Gjithë këto veprime Grabovci i ka bërë me dijeni dhe në bashkëveprim me Hashim Thaçin, president i Kosovës të cilin e quan “shef”.

Sipas portalit kosovar përgjimet i përkasin periudhës kohore nëntor-dhjetor 2010 dhe shumë shpejt do të bëhen publike prej tyre. Gazeta online ka siguruar mbi një mijë biseda telefonike të përgjuara të Adem Grabovcit. 

Në kohën kur janë regjistruar telefonatat, Grabovci, shef i grupit parlamentar të Partisë Demokratike të Kosovës hetohej për vepra penale të krimit të organizuar, shpërdorimit të detyrës zyrtare e lidhje kontratash të dëmshme. Këto veprime dyshohej se i kishte kryer gjatë kohës sa ishte zëvendësministër i Transportit dhe Postë-Telekomit.
Kjo ministri drejtohej nga Fatmir Limaj, i cili po përballet me një gjykim për vepra të njëjta penale për të cilat dyshohej Grabobvci.

Hetimi për Grabovcin ishte mbyllur në mungesë provash. Por, përgjimi i tre numrave telefonik ka zbuluar se Grabovci përdorte gjithë fuqinë dhe autoritetin zyrtar për të kryer punë në interes të njerëzve të tij, të militantëve partiakë dhe për të dëmtuar të tjerë që nuk i përkisnin linjës dhe interesit të tij.

Gazeta online Insajderi ka përzgjedhur një seri përgjimesh telefonike që lidhen me veprimet politike, ndërhyrjet në punën e Kuvendit dhe deputetëve, ndikimin ndërkombëtar mbi PDK-në dhe Hashim Thaçin dhe votimin me çdo kusht të dy ligjeve të kontestueshme atë kohë: atë për Qendrën Historike të Prizrenit dhe Ligjit për Hoqën e Madhe të Rahovecit.

Ndikimi i njerëzve të përgjuar shtrihet mbi secilin institucion të Kosovës, përfshirë pushtetet e pavarura. Ai ka ndikim mbi sistemin gjyqësor, atë prokurorial, mbi Policinë e Kosovës, mbi media siç është Televizioni Publik, disa gazeta ditore, mbi një televizion privat dhe mbi shumë gazetarë.

Grupi i tij politik kontrollon Universitetet, zgjedh për anëtarë bordesh zyrtarë të lartë partiakë si dhe cakton udhëheqës të këtyre institucioneve.

Gjithashtu, Grabobvci ka ndikim mbi biznese siç është kompania “Dukagjini” e Ekrem Llukës dhe kompaninë “Devolli Group”, asokohe pronë e vëllezërve Shkelqim e Blerim Devolli.

Aleksandër Lumezi, Kryeprokurori i Shtetit të Kosovës ka folur për paralajmërimin e Insajderit rreth këtyre të figurave të larta të PDK. Ai është shprehur se është njoftuar nga media për përgjimet, por ende nuk ka marrë një shkresë zyrtare. Kryeprokurori ka deklaruar se do të analizohen në detaje përgjimet për të parë nëse ka elemente që çojnë në nisjen e hetimeve për vepër penale.


Redaksia Online
Al.N/Shqiptarja.com

  • Sondazhi i ditës:

    Himara, i kujt është faji që 6 mijë votues ishin me karta të skaduara?



×

Lajmi i fundit

Kryeparlamentarja e Sllovenisë uron Spiropalin: Jam e bindur se do zbulojmë rrugë të reja për të rritur bashkëpunimin

Kryeparlamentarja e Sllovenisë uron Spiropalin: Jam e bindur se do zbulojmë rrugë të reja për të rritur bashkëpunimin