Plazhet në Fier, prefekti: Masa
për pastrimin e ambjentit

FIER - Prefekti i qarkut të Fierit, Shkëlqim Murati ka ngritur shqetësimin se plazhet e Semanit dhe të Darzezës nuk janë në gjendje të përpshtatshme për të pritur turistët e sezonit veror.

Në një pronocim për “A1 Report”, Murati i tërheq vëmendjen pushtetit vendor që të marrë masa me qëllim përmirësimin e infrastrukturës dhe pastrimin e ambjentit.

Me përjashtim të pjesës që administrohet nga lokalet private, pjesa tjetër është tërësisht e ndotur me papastërti nga më të ndryshmet.

Plazhet e rrethit të Fierit, Semani dhe Darzeza janë cilësuar si plazhet më piktoreskët në Shqipëri. Ato kanë dy karakteristika, rëra e imët dhe e pasur me jod.