VIDEO/ ‘Çmendet’ Altin Goxhaj, pengon punonjësin e Bashkisë së Tiranës të dezinsketojë: Skenë krimi, po na helmoni! Vihet në hetim

TIRANË-  Një punonjës i Bashkisë së Tiranës punën e çdo nate për dezinsektimin në kryeqytet nuk e ka bërë natën e kaluar.

Altin Goxhaj, i vetëquajtur aktivist dhe që ishte një prej emrave kryesorë të Berishës për Svokat të Popullit, mendon se një komplot i madh po i bëhet qytetit në mes të Tiranës.

“Stop, stop, ca është kjo që po bën ti. Ca është kjo që po bën ti. Po na helmon si lagje. Hap derën, hap derën, do thërras policinë tani. Hap derën këtu, legen. Hap derën tani.

LEXO EDHE:
S’ka rritje të çmimit të biletës, transporti urban në Tiranë drejt subvencionit 12 lekë për biletë për shtimin e kostove

Ca është ky mut që bën ti te lagjja ime. Ca është kjo gjë që bën. S’ke për të shkuar me asnjë vend, këti do rrish. Do më shtypësh.  Dil përjashta tani, ca është kjo që hedh ti legen. Hap derën ej. Këtu do rri unë dhe ti, s’ke ku shkon. Ti s’ke për të shkuar me asnjë vend, mbi trupin tim po, por jo të ikësh. Këtu derisa të vijë policia. Nuk shpëtoni nga kjo histori, ju kapa duke helmuar lagjen time mor legen”, thotë Goxhaj.

Procesin normal dhe të përditshëm të dezinsektimit dhe dezinfektimit, i bërë gjithandej në çdo periudhë të vitit nëpër qytet, Goxhaj e quan helmim që ndodh në mes të natës edhe pse makina është e njëjtë me ato të bashkisë së Tiranës, të cilat shikohen shpesh të punojnë zakonisht natën ku lëvizjet janë të më vogla, siç shihet edhe në këto pamje të publikuara disa herë nga vetë kryebashkiaku i Tiranës, Erion  Veliaj. 

Goxhaj e mbajti punonjësin me minuta të tëra të bllokuar në makinë, duke e ofenduar gjatë gjithë kohës, ndërsa për pjesë të konspiracionit bëri duke ulëritur edhe Policinë e Shtetit.

Altin Goxhaj: Më ke hedhur helm në surrat, era vaj gur. Ca është kjo që hedh ti te lagja ime. Me lekët e mia do bësh helmimin e lagjes. Ca mutin hedh ti aty. Unë do të fus në burg për vrasje, ty bashkë me kryetarin tënd.

Ka ardhur makina e dytë se duan të zhdukin provat e krimit, duan të marrin ca hel,i ka brenda.  Unë po të them po më helmojnë, ti nuk merr provën e krimit? Policia refuzon të marrë provën e krimit. Kjo është prova e krimit, policia refuzon të marrë provën e krimit që është përmbajtja e këtyre depozitave.

Policia: Hap rrugën.

Policia i ka marrë kallëzimin Goxhajt, i cili e ka publikuar vetë videon në 25 minutëshe në rrjetet sociale, ndërsa një kallëzim është bërë ndaj tij nga punonjësi i bashkisë, Seit Bathorja 26 vjeç që kishte detyrë dezinsektimin në rrugën “Bardhok Biba’ në kryeqytet. Për Goxhajn hetimi po bëhet në gjendje të lirë.

SI.E./Shqiptarja.com

TAG:
• dezinsektimi
• bashkia tirane
• altin goxhaj
• Tirane