POP 5

Lajmet më të lexuara të 5 minutave të fundit

Kronikë

'Dom Perignon' dhe ilaçe kontrabandë, ndalohet sërish Elidon Çela! Në Tetor iu gjetën 500 mijë € të fshehura në autobus

Policia e Vlorës ka shoqëruar Elidon Çelën, për kontrabandë ilaçesh, shishe me shampanjë Don Perinjon dhe pesticide. Operacioni u krye në bashkëpunim me Doganën e Vlorës dhe policisë. Ai është një i emër i njohur për policinë, pasi në tetor të vitit të kaluar u arrestua nga policia se iu gjetën mbi 500 mijë euro të fshehura në autobus

VLORË- Elidon Çela, i arrestuar në tetor të vitit të kaluar në Portin e Durrësit, pasi iu gjetën mbi 500 mijë euro të fshehura në autobus, por i lënë i lirë nga gjykata, është shoqëruar sërish nga policia, por këtë herë në Vlorë. 32-vjeçari, pronar i agjencisë ‘Buon Aventura’, u ndalua sot në pikën kufitare të Vlorës pas një operacioni të kryer në bashkëpunim mes Doganës dhe Policisë, për kontrabandë ilaçesh, shishe me shampanjë Don Perinjon dhe pesticide.

Gjykata e Durrësit liroi me ‘detyrim paraqitje’ Elidon Çelën, megjithëse prokuroria e Durrësit kërkoi 'arrest me burg'. Ndërkohë po për shkak të hetimit shuma prej 516 mijë eurosh do të qëndroje e sekuestruar. Pasditen e 21 tetorit, u sekuestruan 522 mijë euro të fshehura në një autobus në zonën e kondicionerit.

Paratë ishin të futura në qese marketi dhe u zbuluan nga gjurma e zezë e lënë në skaner dhe u arrestua Elidon Çela, 32 vjeç, drejtues dhe pronar i autobusit me targë AB 633 FZ, pjesë e Agjencisë së Transportit ndërkombëtar të pasagjerëve “Buon Aventura” me seli në Lushnje dhe Padova. Bashkë me të, policia arrestoi dhe 2 ndihmës shoferët e tij, Dritan Kamberi, 36 vjeç dhe Anold Cankja, 32 vjeç.

Autobusi që po transportonte 522 mijë euro cash ka hyrë nga porti i Barit në vendin tonë, por rezultonte se ka përshkruar një itinerar duke ndaluar në disa qytete të Italisë. Policia kishte marrë informacione në rrugë operative ndaj përveç kontrollit me skaner, agjentët ndërhynë fizikisht në autobus, ku gjetën 6 qese plastike me 522 mijë euro me prerje nga 5 euro deri në 100-dëshe. Aktualisht në kuadër të këtij hetimi u ngritën akuzat e pastrimit të parave, mosdeklarimit të vlerave monetare në kufi dhe kontrabandës.

M.Q./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 18/02/2023 00:16

    Ky qenka kthyer ne /punonjes/ UPS alla shqiptarce!!

    Përgjigju
  • Scutari: 17/02/2023 17:11

    Dhe Tigri shijon i qetë Dom Perignon në vilën e tij....

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Edison Ypi: Paradoks

Edison Ypi: Paradoks

22 Janar, 15:42 nga Edison Ypi