ITALI - Përplasje dhe tension në qendër të Bolonjës, siç ishte frika në shumë pjesë: po zhvillohet protesta e ekstremit të djathtë – Casapound dhe Rrjeti i Patriotëve – shumë pranë stacionit të Bolonjës, një javë para zgjedhjeve rajonale. Nga sheshi i Neptunit ka nisur kundër-protesta e kolektiveve antifashiste.
Pikërisht kolektivet (të paktën një mijë njerëz) kanë qenë protagonistë të përplasjeve me forcat e rendit në shkallët e Pincio-s, pasi kaluan me vrap parkun Montagnola duke u përpjekur të anashkalojnë bllokadën e agjentëve në rrugën Indipendenza, që kishte për qëllim të shmangte kontaktin midis dy protestave.
Ndërkohë, parada e ekstremit të djathtë, në të cilën marrin pjesë disa qindra njerëz, ishte ndaluar nga forcat e rendit në rrugën Boldrini.
E gjithë skena zhvillohet në një distancë prej disa qindra, në mos dhjetëra metrash në zemër të Bolonjës, ndërsa trafiku përreth është i bllokuar dhe autobusët devijohen. Nga dritaret e pallateve në qendër bërtitet “Rroftë Italia antifashiste,” madje hidhen edhe kapsolla mbi protestën e ekstremit të djathtë; të rinjtë e kolektiveve fitojnë terren dhe përpiqen të afrohen gjithnjë e më shumë. Disa kundërpërgjigjen duke kënduar “Faccetta Nera” ose duke thirrur “Boia chi molla” (Kush dorëzohet është tradhtar). “Nuk mund të ekzistojnë qytete peng të qendrave sociale, ku të valëvitet vetëm flamuri i kuq,” bërtet me megafon një militant i djathtë.
Ndërkohë, një grup protestuesish nga zona anarkiste, rreth 200 persona, nga sheshi Unità i afërt ka nisur protestën drejt urës Matteotti, që kalon mbi shinat e stacionit qendror, por ka gjetur bllokadën e krijuar nga repartet e policisë. Nuk ka pasur përplasje në këtë rast, pasi protestuesit kanë vendosur të tërhiqen.
E gjithë qendra e Bolonjës është e rrethuar nga policia, me dhjetëra automjete të vendosura në nyjën e sheshit XX Shtatori dhe të stacionit. Pas përplasjeve me policinë, shumica e protestuesve të kolektiveve janë zhvendosur në sheshin VIII Agosto, ku po zhvillohet tregu tradicional i Piazzola-s, ndërsa disa dhjetëra qytetarë antifashistë përballen nga larg grupin e protestuesve të së djathtës. Aktivistët raportojnë për dhjetëra të plagosur në radhët e tyre, katër prej tyre në gjendje serioze.
Protestuesit e kolektiveve, pas përplasjeve në shkallët e Pincio-s, janë kthyer në sheshin e Neptunit. Në të njëjtën kohë, po fillonte largimi i anëtarëve të Casapound dhe të Rrjetit të Patriotëve. Kontakti i pritur mes dy grupeve nuk ka ndodhur.
Kundër protestës së ekstremit të djathtë sot në Bolonjë ka dalë edhe kryetari i bashkisë, Matteo Lepore, i cili kishte kërkuar që protesta e Rrjetit të Patriotëve të zhvendosej. Kundër dhënies së një sheshi – jo një sheshi çfarëdo, por më të afërtit me stacionin qendror, vendi i masakrës fashiste të 2 gushtit 1980 – kishin protestuar në sheshin Neptun, në mëngjes, ANPI, sindikata CGIL dhe disa përfaqësues të qendrës së majtë, përfshirë Elly Schlein (PD) dhe Nicola Fratoianni (SI)./ La Repubblica
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42 -
Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash
21 Dhjetor, 19:39
