Po ndërtonte një godinë dykatëshe në një zonë të mbrojtur në Ksamil, prangoset 49-vjeçari

Një 49-vjeçar është vënë në pranga ditën e sotme nga policia e Vlorës pasi po ndërtonte pa leje, një objekt dykatësh, në zonë të mbrojtur në Ksamil. Policia thotë se gjatë kontrolleve kanë evidentuar dhe goditur një rast të ndërtimit të paligjshëm nga ana e Gazmir Mediut. 

“Në vijim të veprimeve për këtë rast, nga specialistët për Hetimin e Krimeve të Komisariatit të Policisë Sarandë u arrestua shtetasi G. M., 49 vjeç, banues në Dimal, Berat, për veprën penale “Ndërtimi i paligjshëm”, pasi po ndërtonte një objekt dykatësh, pa lejen e organeve kompetente.  Materialet i kaluan Prokurorisë, për veprime të mëtejshme", njoftoi policia. 

Uniformat blu apelojnw për të gjithë qytetarët që të mos tentojnë të kryejnë krime mjedisore, si ndërtime pa leje, prerje të paligjshme të pyjeve, ndotje të ajrit, ndotje të ujërave apo çdolloj krimi tjetër, sepse do të ndëshkohen sipas ligjit.

"Policia e Shtetit fton qytetarët që të denoncojnë në numrin pa pagesë 112, çdo rast të krimeve mjedisore apo të çdolloj krimi tjetër, duke iu garantuar anonimat të plotë, reagim të menjëhershëm dhe të paanshëm”, ka njoftuar policia e Vlorës"

K.T./Shqiptarja.com

TAG:
• policia e vlorës
• sarande
• Vlore
• ndertim pa leje
• Gazmir Mediu