'Po trafikojnë drogë'/ Pas sinjalit të qytetarëve, bllokohet makina me kanabis në Sarandë

SARANDE-Goditet një rast i trafikimit të lëndëve narkotike. Policia sekuestruar 10 kg kanabis, ndërsa dy persona janë arrestuar. Ata janë L.K. 53 vjeç dhe J.Sh. 31 vjeç, të dy me banim në Gjirokastër.

Policia thekson se pas njoftimit nga qytetarët organizoi punën duke bllokuar makinën me 10 kg kanabis në fshatin Mursi të Konispolit. Kanabisi kishte si destinacion Greqinë.


Materialet iu referuan Prokurorisë në ngarkim të tyre për veprën penale "Prodhim dhe shitje të lëndëve narkotike" kryer në bashkëpunim.

d.ba./Shqiptarja.com
Komento