Po transportonin 22 emigrantë kundrejt shumës 1200 euro për person, arrestohen 3 trafikantët, një në kërkim

Policia ka goditur dy raste të transportit të paligjshëm të emigrantëve ku u arrestuan 3 persona, dhe një tjetër u shpalla në kërkim pasi mundi t'i shpëtonte policisë. Nga operacionet e zhvilluara në Korçë, u ndaluan 22 emigrantë të paligjshëm, të cilët përmes shumës 1200 euro secili që kishin paguar shpresonin se mund të kalonin në vend e BE-së.

Në pranga ranë Elton Zaçellari, 39 vjeç, Erbi Tollja 19 vjeç dhe Ardit Tollja, 40 vjeç, të cilët në bashkëpunim me njëri-tjetrin në aksin rrugor Korçë-Pogradec, në afërsi të fshatit Grabovicë po transportonin me mjetin kamion tip "Benz", 16 emigrantë të paligjshëm, të cilëve kundrejt shpërblimit, iu kishte premtuar kalimin drejt vendeve të BE-së. Erbi Tollja  dhe Ardit Tollja kishin si detyrë mbikëqyrjen e rrugës, të cilët udhëtonin me mjetin tip "Audi", për të lajmëruar për patrullat e policisë.

Gjithashtu u shpall në kërkim A. Ç., 20 vjeç, pasi me mjeti tip "Opel", nuk i është bindur urdhrit të policisë për të ndaluar dhe është larguar. Benda mjetit të tij ishin 6 emigrantë të paligjshëm, të cilët u ndaluan nga policia.

Materialet në ngarkim të tyre i kaluan Prokurorisë të Rrethit Gjyqësor Pogradec për veprat penale "Ndihma për kalim të paligjshëm të kufijve" kryer në bashkëpunim dhe "Mosbindja ndaj urdhrit të punonjësit të policisë së rendit publik".

TAG:
• emigrante
• Korce
• Arrestime