Po transportonin 36 kg kanabis me thasë, arrestohen dy të rijnë në Mirditë! Në shtëpi mbanin pistoletë dhe municione

10 thasë me kanabis, me peshë 36 kilogramë janë sekuestruar nga policia, pasi u kapën në makinën e dy të rinjve në Mirditë.

Sasia e lëndës narkotike u gjet gjatë kontrollit të automjetit tip “Opel”, me drejtues Roland Lala 28 vjeç dhe pasagjer K. Z 28 vjeç, i cili po lëvizte në drejtim të Mirditës, po transportonin lëndë narkotike, në afërsi të fshatit Jezull, Mirditë.

Në vijim të operacionit, policia ka ushtruar kontroll edhe në banesën e shtetasit Roland Lalës, në fshatin Zall Dardhë, Dibër, ku janë gjetur dhe sekuestruar në cilësinë e provës materiale 1 armë zjarri kallashnikov, një pistoletë shenjëdhënëse dhe municion luftarak.

Roland Lala, 28 vjeç, është banues në Zall Dardhë, Dibër dhe K.Z, 28 vjeç, banues në Kamzë, Tiranë.

Nën drejtimin e Prokurorisë, vijon puna për identifikimin dhe kapjen e personave të tjerë të përfshirë në këtë veprimtari kriminale.

Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme, për veprat penale ”Prodhimi dhe shitja e narkotikëve”, kryer në bashkëpunim dhe "Armëmbajtja pa leje".

J.GJ./M.Q./Shqiptarja.com

TAG:
• kanabis
• Lezhe
• mirdite
• Roland Lala