POP 5

Lajmet më të lexuara të 5 minutave të fundit

Kronikë

Po transportonin drejt Dukagjinit 4 mijë fara kanabisi dhe tentuan t'i ikin Policisë, por dështuan! Arrestohen dy të rinj në Shkodër

Dy persona janë ndaluar ditën e sotme në Shkodër, pasi u kapën duke transportuar 4 mijë fara kanabisi. Mësohet se ata janë kapur pas një operacioni të policisë në dalje të Shkodrës.

Dy persona janë ndaluar ditën e sotme në Shkodër, pasi u kapën duke transportuar 4 mijë fara kanabisi. Mësohet se ata janë kapur pas një operacioni të policisë në dalje të Shkodrës.

Farat e kanabisit, me një vlerë të konsiderueshme monetare, u gjetën të paketuar në disa kuti, në mjetin tip “Land Rover” me të cilin po udhëtonin dy personat, Zhelko Sekuliq 29 vjeç dhe Albert Lami 34 vjeç. 

Ata po i transportonin farat e kanabisit, me një automjet tip “Land Rover”, drejt zonës së Dukagjinit me qëllim kultivimi e tyre.

Njoftimi i policisë
Vijojnë kontrollet për parandalimin dhe goditjen e tentativës për kultivim dhe trafikim të kanabisit. Finalizohet operacioni policor i koduar "Gracka".

Sekuestrohen 4000 fara të dyshuara cannabis sativa.Vihen në pranga 2 shtetas që posedonin farat e kanabisit, me qëllim kultivimin e tyre.

Në vijim të goditjeve të njëpasnjëshme ndaj veprimtarisë kriminale në fushën e narkotikëve, specialistët për Hetimin e Krimeve në Seksionin e Hetimit të Krimeve kundër Trafiqeve të Paligjshme dhe Narkotikëve, në bashkëpunim me Forcën e Posaçme “Shqiponja” në DVP Shkodër, në bazë dhe të informacioneve të marra në rrugë operative, organizuan dhe finalizuan me sukses operacionin policor antikanabis të koduar "Gracka", në kuadër të të cilit u bë kapja djhe arrestimi në flagrancë i shtetasve:

Zh. S., 29 vjeç, banues në Boriç i Vogël, Malësi e Madhe;

A. L. 34 vjeç, banues në lagjen “Salo Halili”, Shkoddër.

Këta shtetas, në bashkëpunim me njëri-tjetrin siguronin farat e kanabisit, me qëllim kultivimin  e tyre në zonat e thella të Dukagjinit.Në automjetin me të cilin udhëtonin këta shtetas, që drejtohej pa leje drejtimi nga shtetasi Zh. S., i cili nuk iu bind urdhrit të punonëjsit të Policisë për të ndaluar dhe tentoi të largohej me forcë, shërbimet e Policisë gjatë kontrollit gjetën dhe sekuestruan 4000 fara të dyshuara narkotike cannabis sativa.

Gjithashtu u sekuestruan edhe 3 aparate celular dhe 1 automjet. Materialet procedurale i kaluan për ndjekje të mëtejshme Prokurorise pranë Gjykatës së Shkallës së Parë Shkodër, për veprat penale “Prodhimi dhe shitja e narkotikëve”, “Mosbindja ndaj urdhrit të punonjësit të policisë së rendit publik”, “Drejtimi i automjeteve në mënyrë të parregullt” dhe “Pastrimi i produktit të veprës penale ose veprimtarive kriminale”, në ngarkim të shtetasit Zh. S., ndërsa në ngarkim të shtetasit A. L. u referuan materialet për veprat penale ’’Prodhimi dhe shitja e narkotikëve” dhe “Pastrimi i produktit të veprës penale ose veprimtarive kriminale”.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

24 Nëntor, 12:44