DURRËS- Policia Kufitare e Durrësit iu ka ardhur në ndihmë katër turistëve italianë, të cilët kishin ngecur në det. Ata kanë qenë duke udhëtuar me një velierë dhe në drejtim të Korfuzit dhe u përplasën me një masiv rëre.
Rreth orës 16:00, shërbimet e Policisë së portit të Durrësit, janë njoftuar se në afërsi të zonës së quajtur “Kepi i Rodonit”, një mjet lundrues velierë kishte ngecur në det.
Menjëherë pas marrjes së njoftimit, shërbimet policisë kufitare, në bashkëpunim me kolegët e GDF-së, iu kanë shkuar në ndihmë 4 turistëve italianë, të cilët janë transportuar fillimisht me mjet lundrues, në breg, dhe më pas me Ambulancë, në spital, për të marrë asistencën mjekësore.
![](https://shqiptarja.com/template/img/NO_ALFA_Kuadrate shqiptarja.png)
Për shkak të tronditjes, vijon të marrë asistencë mjekësore në spital, ku ndodhet jashtë rrezikut për jetën, shtetasi italian A. R., 48 vjeç, ndërsa 3 shtetasit e tjerë janë në gjendje të mirë shëndetësore.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)