VLORË- Rruga për kthimin nga Turqia ka rezultuar tragjike për familjen Mithi, të cilët u përplasën me tabelën në anë të rrugës në aksin Fier-Vlorë, e për pasojë humbi jetën fëmija e tyre, vetëm 6-vjeç.

Aksidenti i rëndë ndodhi rreth orës 4 të mëngjesit të sotëm në afërsi të fshatit Panaja. Andi Mithi, 33-vjeç, i cili po udhëtonte me gruan dhe 2 fëmijët, pasi ishin kthyer nga Turqia, duke drejtuar makinën tip “Benz”,  ka humbur kontrollin e mjetit pasi e kishte zënë gjumi në timon, dhe është përplasur me tabelën në anë të rrugës. Për pasojë makina ka dalë nga rruga dhe është përmbysur.

Nga aksidenti i rëndë një nga fëmijët, 6-vjeçari Orhan Mithi, ka ndërruar jetë në vend. Ndërkohë drejtuesi i mjetit, si dhe shtetasja Albana Mithi 34 vjeçe dhe fëmija tjetër 3 vjeçe, ndodhen në spital e Vlorës, nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.

1661838063_vlore.jpeg

1661836160_vlor.jpeg

 

Makina e permbysur dhe pamje nga vendi i ngjarjes

Rendit zhvillimet sipas orarit:
Ora 11:02
Aksidenti në aksin Fier-Vlorë, Report Tv siguron detaje si ndodhi ngjarja! Shoferin e kishte zënë gjumi në timon

1661837377_vlore.jpg

Report Tv ka siguruar detaje të reja për aksidentin në aksin Fier-Vlorë ku humbi jetën një fëmijë 6 vjeç. Duke qenë se vinin nga Turqia, familja ka udhëtuar gjithë natën për të mbërritur në Vlorë. Në Panaja, drejtuesin e ka zënë gjumi në timon duke bërë që makina të dalë nga rruga. Makina është përplasur me barrierat mbrojtëse të rrugës.

Për pasojë, fëmija 6 vjeç ka humbur jetën, ndërsa prindërit dhe e motra ndodhen jashtë rrezikut për jetën.

Ata po marrin ndihmën mjekësore në urgjencën e spitalit të Vlorës pasi plagët e marra në trup janë të shumta

D.GJ/Shqiptarja.com

Ora 07:51
Makina e kthyer përmbys, pamje nga aksidenti tragjik në aksin Fier Vlorë ku ndërroi jetë 6-vjeçari

1661838063_vlore.jpeg

Orhan Mithi, 6-vjeç ka ndërruar jetë si pasojë e një aksidenti të rëndë që ka ndodhur në aksin Fier-Vlorë. Report Tv ka siguruar pamjet nga vendi i ngjarjes, ku shihet makina e kthyer përmbys në anën tjetër të rrugës. Nga aksidenti kanë mbetur të plagosur fëmija tjetër i familjes Mithi vetëm 3 vjeç, si dhe Andi e Albana Mithi. Dyshohet se makina ka humbur kontrollin duke u përplasur me një tabelë e më pas ka përfunduar në anën tjetër të rrugës duke u kthyer përmbys.

M.Q./Shqiptarja.com