POP 5

Lajmet më të lexuara të 5 minutave të fundit

Kultura

Poezi dhe interpretim, Timo Flloko ‘rrëqeth’ në Butrint! Amfiteatri plot, emocion dhe ovacione në mbrëmjen unike

Një mbrëmje spektakolare ajo e “Yjeve të Butrintit” mbajtur këtë fundjavë në Amfiteatër. Nën kujdesin e Vera Grabockës dhe me ajkën e poezisë së Timo Fllokos për jetën e dashurinë u shënua një takim artistik unik me artistët më në zë

Kanë shkëlqyer mbrëmjen e së shtunës yjet në Butrint. Poezitë e Timo Fllokos e shndërruan amfiteatrin historik në një natë që nuk i ngjan asnjë tjetre. Sopranoja e përmasave botërore Nino Matchaize dhe zëri i pakrahasueshëm i tenorit Saimir Pirgu iu bashkuan interpretimeve të aktorëve e këngëve me poezitë e Fllokos që ndër dekada i këndojmë të gjithë.

Luiza Xhuvani, Ema Andrea, Nik Xhelilaj dhe Kristian Koroveshi, studentë të profesor Fllokos, ishin aty bashkë me emrat më të njohur të muzikës shqiptare, Redon Makashi, Pirro Çako, Ledina Çelo, Marsela Çibukaj, Arilena, Rovena Dilo e Soni Malaj.

Nën kujdesin e paarritshëm të regjisores Vera Grabocka, çdo zë i mbrëmjes të së shtunës ishte i kuruar në të gjitha detajet.

Interpretimi i pazakontë i dirigjentit të Orkestrës së Teatrit të Operës dhe Baletit, Jacobo Sipari di Pescasceroli, ishte një shfaqje më vete.

Nata e yjeve në Butrint u mbyll me yllin e tyre, të bijën, Lindën, që la mbresa të panjohura të i gjithë publiku i zgjedhur i këtij produksioni.

Interesi i të ftuarve kaloi çdo parashikim dhe e ktheu këtë natë në një ngjarje të paharrueshme të poezive të Timo Fllokos që do të mbetet gjatë në kujtesë.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Shpërthimi në banesën e gjyqtarit të Gjykatës së Shkodrës, reagon KLGJ: Dënojmë këtë akt kriminal, të zbardhet ngjarja

Shpërthimi në banesën e gjyqtarit të Gjykatës së Shkodrës, reagon KLGJ: Dënojmë këtë akt kriminal, të zbardhet ngjarja

28 Prill, 12:23