POP 5

Lajmet më të lexuara të 5 minutave të fundit

Sociale

Pogradec/ Fshati Lumas pas rrugë, fermerët: Nuk shesim dot prodhimet

Rruga e pa asfaltuar që në dimër bëhet e pakalueshme për shkak të gropave është shqetësimi kryesor i banorëve të Lumasit në Pogradec. Ata thanë se mollët dhe patatet u kanë mbetur pa shitur pasi tregtarët nuk mbërrijnë në fshatin e tyre për shkak të amortizimit të rrugës

Stina e reshjeve e bën të pakalueshme rrugën e Lumasit në njësinë administrative të Çërravës në Pogradec.

Këtu jetojnë 150 banorë që merren kryesisht me kultivimin e mollëve e patateve, por grumbulluesit nuk shkojnë në Lumas për shkak të rrugës së amortizuar.

Banorët kërkojnë asfaltimit e këtij segmenti 4 kilometra nga qendra e fshatit deri në rrugën nacionale Korçë- Pogradec.

“Rrugën e kemi shumë problem. Të gjithë mbjellim por prodhimet shkojnë dëm sepse tregtarët për shkak të rrugës nuk vijnë”.- tha një banor.

“Kam ca mollë për të shitur, por duhet ti nxjerr deri në Cërravë se nuk vjen tregtari ti marrë”.- u shpreh një fermer.

‘Në dimër nuk dalim fare, se këto gropat me ujë ngrijnë’.- tha një tjetër.

“Unë kam 10 ton patate, por skam ku i çoj”, - thanë fermerët.

Gjatë dimrit vështirësohet dhe transporti i fëmijëve drejt Çërravës, pasi shkolla e Lumasit është mbyllur disa vite me parë për shkak të rënies së numrit të nxënësve.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33