POGRADEC - Qytetarë të shumtë u mblodhën sot në Pogradec në vendin ku ndodhi ngjarja tragjike ku humbi jetën 42 vjeçari Egli Proga, pasi u dhunua nga Denis Meçe.
Ende nuk është zbuluar e vërteta e kësaj ngjarje të rëndë, teksa qytetarët bën homazhe duke ndezur qirinj në vendin ku humbi jetën Egli Proga. Gjithashtu të pranishëm ishin dhe familjarët e viktimës, të cilët bën apel për drejtësi për të afërmin e tyre, që autorët të vihen para drejtësisë.
E motra e Eglit, Jonida lexoi një fjalim edhe për mediat ku bën thirrje që të dali e drejta dhe dhunuesit e vëllait të saj të përfundojnë në burg.
'Ju falënderoj që jeni këtu në vendin ku mori frymë për herë të fundit vëllai im Eglantini. Unë jam motra e tij por që kur ditën që Egli mbeti i pajetë, pasi jetën ia morën barbarët e këtij qyteti, unë do të jem mbrojtësja e tij. Do ta mbroj tani pas vdekjes pasi nuk isha këtu për ta mbrojtur për së gjalli. Shumëkujt mund ti dukem e vogël, e pafuqishme, e dëshpëruar, e pashpresë apo thjesht një hallexheshë me të zeza. Por ju betohem juve që jeni këtu, edhe atyre që fshihen skutave se drejtësinë do ta sjell me çdo kusht.
Se ja kam borxh vëllait tim, vetes dhe gjithë familjes sime. Nuk dua që të përfitoj askush nga vëllai im, nuk dua që të politizohet vdekja e tij. Nuk dua të hidhërohet askush më shumë se unë, se familja ime për të. Do të pranoj ndihmën e të gjithëve derisa drejtësia të vihet në vend dhe vëllai im ta shoh nga varrezat ku e kanë vendosur. Kriminelat që i kanë mbyllur gojën këtij qyteti dhe vëllait tim duke i mbyllur jetën do të shkojnë në burg të gjithë pa asnjë përjashtim.
Si ata plehra që e dhunuan dhe ja morën shpirtin këtu, si ata të pashpirtët e tjerë që kërkuan ta mbyllin këtë vrasje makabre me heshtje apo me letra, kam vetëm një kërkesë për të gjithë ata që më dëgjojnë sot, për pogradecarët: Flisni, mos kini frikë, tregoni të vërtetat tuaja për banditët që morën jetën e Eglit, dëshmoni se ata mund të vrasin vëllezërit tuaj nëse shpëtojnë paq. Tregoni kush i mbron, kush janë kriminelët pas tyre. Kërkoj nga sistemi i drejtësisë, avokatë, prokurorë, gjyqtarë, këtë herë nuk ka para, nuk ka miq, nuk ka ndërhyrje dhe nuk ka taraf. Mos bëni gabimin dhe ta godisni me shkelm a me grushta vëllain tim siç bën me grushta barbarët. Kërkoj vetëm drejtësi dhe asgjë tjetër, por jo vetëm si shprehje, e kërkoj si vepër. E kërkoj që sot, i bëj thirrje të gjithë avokatëve dhe juristëve të Shqipërisë të vijnë dhe të mbrojnë Eglin bashkë me mua.', tha ajo.
KORÇË - Homazhe për vrasjen e Egli Progës janë mbajtur mbrëmjen e sotme edhe në qytetin e Korçës.
Qytetarët janë mbledhur pranë Katedrales, tek shkallët e së cilës kanë ndezur qirinj për të kryer homazh ndaj 42 vjeçarit që humbi jetën pas dhunës së ushtruar nga Denis Meçe në Pogradec dhe të tjerë të shtunën e kaluar.
Qytetarët kërkojnë drejtësi dhe më tepër kujdes nga institucionet shtetërore për mbrojtjen e jetës.
'Bëjmë homazhe për largimin me të padrejtë nga jeta e Eglit, i cili u vra dhe tregoi se për të gjithë ne jeta është e pasigurt në këtë vend. Sot ishte Egli, nesër mund të jem unë, mund të jesh ti, mund të jetë kushdo. Prandaj ne besojmë se duhet të kemi një homazh, duhet të kemi një thirrje për drejtësi, duhet të bëhemi të gjithë bashkë për të kujtuar se jeta duhet mbrojtur dhe kjo thirrje i drejtohet mbi të gjithë institucioneve që e kanë për detyrë të na mbrojnë jetën, sepse ne kërkojmë siguri nga ta', shprehet një qytetar.
Komente
Lajme të tjera
-
Pogradec/ Një person godet me kamion transformatorin e energjisë, mbi 200 familje pa drita
11 Dhjetor, 18:43
-
Aksident i rëndë në Pogradec-Qafë Thanë, përplasen dy mjete, humb jetën drejtuesi i 'Volkswagen' (EMRI)
11 Dhjetor, 09:02 -
Pogradec/ Shpëtuan një 31-vjeçar nga vetëvrasja! Nëna e moshuar po përpiqej të ndalonte të birin, kur dy të rinjtë që po ktheheshin nga xhamia shmangën tragjedinë
5 Dhjetor, 23:01
-
Pogradec/ I gjenden arsenal armatimi dhe municionesh në banesë, arrestohet 65-vjeçari! Sekuestrohen kallash, kapsolla detonatore dhe fitil zjarrpërcjellës (EMRI+VIDEO))
4 Dhjetor, 19:26 -
Pogradec/ Makina e përplas duke ecur mbrapsht, plagoset biçiklisti, dërgohet në spital
4 Dhjetor, 16:03 -
Aksident i trefishtë në aksin Pogradec- Korcë! Makinat përplasen me njëra-tjetrën, shkak shpejtësia dhe lagështia në rrugë
29 Nëntor, 13:44 -
Rritet çmimi i apartamenteve në Korçë dhe Pogradec, deri në 1 mijë € metri katror! Agjenti imobilar: Kërkesa të larta nga Tirana e Durrësi! S’mbetet pas as diaspora
25 Nëntor, 19:48
-
Protesta për Martinin, prek motra e Egli Progës: Florina vetëm qan dhe nuk kërkon asgjë, ku do gjeni ju prindër më të paqtë! Mos lejoni më vrasjen e të dashurve tuaj
25 Nëntor, 17:44 -
Aksident me 3 të plagosur, bllokohet për 1 orë e gjysmë aksi Pogradec-Lin (VIDEO)
14 Nëntor, 16:26 -
Nënshkruhet në Azerbajxhan memorandumi i gazifikimit të Korçës, Me Emiratet Arabe firmoset marrëveshja për kompani të përbashkët energjetike
12 Nëntor, 18:28 -
Pogradeci largoi trajnerin, ul në stol ish-in e Tiranës
12 Nëntor, 10:00 -
37 vite nga vdekja e Lasgush Poradecit! Liriku i madh i letërsisë dhe atdhetari i mbrojtjes së kombit dhe traditës së Rilindjes
12 Nëntor, 09:05
Bravo, bravo, trimeresha e Pogradecit!
PërgjigjuFAMILJA LE TE MARRE HAK,SA ME SHPEJT,,,ZBATONI KANUNIN E LEKES,,,SE SHTETI NUK DO TJA DIJE PER JU...A JENI GJALLE ,,A JENI VDEK....
PërgjigjuBravo!
Përgjigju