Pogradec/ Makina aksidenton për vdekje 68-vjeçarin, arrestohet shoferi (FOTO)

Pogradec/ Makina aksidenton për vdekje 68-vjeçarin, arrestohet shoferi  (FOTO)

Foto nga vendi i ngjarjes

POGRADEC- Një aksident rrugor është shoqëruar pasditen e kësaj të diele në Pogradec, ku ka humbur jetën një person.

Ngjarja ka ndodhur në hyrje të qytetit, ku viktima është identifikuar si Bujar Xhemollarin, 68-vjeç. Ai po udhëtonte me biçikletë, kur u përplas nga një automjet "Volksëagen", i cili drejtohet nga 25-vjeçari Roland Asllanaj. Xhemollari u dërgua me urgjencë drejt spitalit të Traumës në Tiranë, por fatkeqësisht nuk arriti që t'i mbijetonte plagëve të marra.

Uniformat blu bëjnë me dije se 25-vjeçari Roland Asllanaj është arrestuar.

Njoftimi i plotë
Në vijim të informacionit paraprak datë 15.12.2019, i cili bën fjalë për një aksident rrugor të ndodhur në hyrje të qytetit të Pogradecit, informojmë se specialistët e Sektorit për Policinë Rrugore, bënë arrestimin në flagrancë të shtetasit:

• R.A., 25 vjeç, banues në Laprakë, Tiranë.

Shtetasi i mësipërm, duke drejtuar mjetin tip “Vol­ksëagen” ka aksidentuar shtetasin B.Xh., 68 vjeç, banues në fshatin Vërdovë, Pogradec, që po lëvizte në rrugë me biçikletë, i cili pas trajtimit në Spitalin e Pogradecit është dërguar për mjekim të specializuar në Spitalin e Traumës Tiranë, ku ka ndërruar jetë. Materialet i kaluan Prokurorisë pranë Gjykatës së Shkallës së Parë Pogradec për veprën penale "Shkelja e rregullave të qarkullimit rrugor".

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Bëjnë paqe? Heidi dhe Romeo puthen dhe përqafohen në oborr

Bëjnë paqe? Heidi dhe Romeo puthen dhe përqafohen në oborr