Report TV sjell pamjet ekskluzive nga ndotja alarmante në zonën e “Bregut të Lendinave”, në fshatin Çërravë të Pogradecit, ku çarja e digës së rezervuarit ka nxjerre në sipërfaqe tonela me mbetje te groposura ketu vite me pare.

Diga e rezervuarit, e rikonstruktuar ne dhjetor te vitit te kaluar nga Bashkia Pogradec, është çarë duke lejuar vërshimin e ujit dhe shpërndarjen e mbetjeve në tokat e mbjella me grure.

Këto mbetje, të cilat ishin kapsuluar prej vitesh nga ish-komuna, janë rikthyer sërish në sipërfaqe, duke krijuar një situatë të rëndë mjedisore.

“Mbetjet urbane u mblodhën para shumë kohësh, u kompozuan e u mbuluan. Para 5 muajsh u rregullua rezervuari, por puna nuk u bë mirë. U ça diga dhe nxori të gjitha mbetjet e grumbulluara poshtë saj. Ka gati dy javë dhe s’ka ardhur askush t’i pastrojë. I bëjmë thirrje bashkisë të marrë masa, nuk mund ta lëmë kështu", thotë Safet Kapa, banor i Çërravës.

Skandali thellohet edhe më shumë duke pasur parasysh se për rehabilitimin e rezervuarit, Bashkia Pogradec investoi 57 mijë euro gjatë vitit 2024.

Çarja e digës jo vetëm e bëri investimin të pavlefshëm, por riktheu edhe ndotjen, e cila tani po përhapet në gjithë zonën, duke rrezikuar shëndetin e banorëve dhe mjedisin.

Ndërkohë, autoritetet lokale nuk kanë dhënë ende asnjë reagim apo sqarim mbi situatën e rëndë që është krijuar në Çërravë.

 

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 09/12/2025 03:02

    20.000 $ i kushtoi nje shoqes time ketu, reabilitimi i guzhines (kabinete,countertop,etj) e keta me vetem 57 mije euro deshen te reabilitojne nje rezervuar!! S.d.q ky eshte nje shembull qe groposja e kapsulimi nuk jane zgjidhja e duhur,jo vetem qe komponentet kimike e bakterologjike duke u shperbere depertojne ne tokat e ujin perreth duke u bere te rrezikshme per shendetin,por mjafton nje incident i tille per t'u kthyer ne katastrofe mjedisore.Duhen incineratoret.

    Përgjigju
  • Turi: 08/12/2025 13:08

    Perse nuk shkon rama te pres shiritin ?

    Përgjigju
  • Sondazhi i ditës: 22 Prill, 10:59

    Politikanë e qytetarë të pandehur dalin në gjyq brenda kafazit, a është e tepruar?

Lajme të tjera