Pogradec- Një banesë është përfshirë nga flakët, ditën e sotme në fshatin Trebinjë të Mokrës. 

Sipas banorëve, zjarri i favorizuar dhe nga temperaturat e larta, është përhapur menjëherë në të gjithë banesën.

Fatmirësisht, familjarët kanë arritur të dalin pa marrë lëndime.

Nga banorët e zonës është njoftuar policia dhe zjarrëfiksja, e cila ndodhet në vendngjarje në fshatin Trebinjë, në një distancë të largët nga qyteti i Pogradecit.

Dyshohet paraprakisht se shkak i këtij zjarri ka qenë një shkëndijë elektrike, ndërsa dëmet materiale janë të shumta.