POP 5

Lajmet më të lexuara të 5 minutave të fundit

Bota

Pol-exit/ 100 mijë polakë në demonstrata kundër daljes nga BE! KE presion Polonisë, nuk i jep 57 mld € ndihmë

Protestat masive përfshinë Poloninë, pas vendimit të Gjykatës Kushtetuese që mënjanon ligjet europiane. Qytetarët i tremben fenomenit Pol-exit, ndaj ata i kërkojnë qeverisë që të jenë pjesë e Bashkimit Europian.

Më shumë se 100 mijë polakë dolën në protesta për të kërkuar që vendi të mos dalë nga Bashkimi Europian. Ata i druhen një vendimi politikës së partisë nacional-konservatore në pushtet "Ligj dhe drejtësi", për nxjerrin e vendit jashtë unionit, duke përdorur nocionin "Polexit".

Vetëm në kryeqytetin Varshavë kanë demonstruar më shumë se 80.000 vetë kundër konfliktit të qeverisë e Gjykatës Kushtetuese me institucionet e BE dhe për qëndrimin e vendit në komunitetin europian. "Ne qëndrojmë", thërrisnin demonstruesit duke valëvitur flamujt e BE dhe Polonisë.

Gjykata Kushtetuese e Polonisë vendosi së fundmi, se pjesë të caktuara të së drejtës së BE shkelin kushtetutën polake. Me këtë ajo i dha prioritet së drejtës kombëtare para asaj të BE. Ky vendim ka ndezur konfliktin mes Komisionit Europian dhe Varshavës në lidhje me reformimin e sistemit të drejtësisë në Poloni.

Thirrja për protesta erdhi nga ish-presidenti i Këshillit të BE, dhe drejtuesi i opozitës polake, Donald Tusk. Para demonstruesve në Varshavë, ai tha se partia qeverisëse, PiS këkon të largohet nga BE që të shkelë pa u ndëshkuar rregullat demokratike.

Sipas sondazheve shumica e polakëve duan të qëndrojnë në BE. Marrëdhëniet mes Polonisë dhe Bashkimit Europian janë të tensionuara që pas ardhjes në pushtet të PiS. Si mjet presioni, KE nuk po dorëzon 57 miliardë eurot nga fondi i ndihmës së koronaviusit për Poloninë. Për shkak të mosrespektimit të vendimit të Gjykatës Europiane, Varshavën e kërcënon edhe një gjobë prej disa miliona euro në ditë.

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Tiranë/ Mbante armë zjarri dhe municion luftarak në banesë, arrestohet një person

Tiranë/ Mbante armë zjarri dhe municion luftarak në banesë, arrestohet një person

11 Janar, 10:06