Policia në aksion, ja sa
kontrolle e sa të ndalua

Policia e Vlorës në kuadër të zbatimit të planit operacional ka vijuar një sërë kontrollesh të dokumentacionit e personave  me qëllim shmangjen e aksidenteve dhe sigurimin e qetësisë për qytetarët.

Në zbatim të këtij "Plani-Masash", në të gjithë qarkun e Vlorës janë angazhuar shërbime të caktuara të cilat kanë ushtruar funksionin e tyre në mënyrë të organizuar, nëpërmjet pikave të kontrollit të ngritura jo vetëm në akse rrugore por dhe në ambiente të ndryshme, lloto-sporti, lokale nate etj, konkretisht:

Nga Policia e Vlorës, Sarandës dhe Delvinës, në total:

- Janë kontrolluar gjithsej 566 automjete,
- Janë kontrolluar e verifikuar gjithsej 428 persona,
- Janë marrë gjithsej 65 masa administrative (19 prej tyre për "xhamat e zi" të automjeteve),
- Janë kontrolluar gjithsej 122 ambiente, lloto sporti, lokale (1 në proçedim),
- Janë shoqëruar në ambientet e Policisë gjithsej 36 persona për verifikim.

Gjithashtu, gjatë javës që lam pas, Policia e Vlorës:
- Ka arrestuar në flagrancë 5 persona për "Prodhim dhe mbajtje pa leje të armëve luftarake dhe municioneve",
- Ka arrestuar në flagrancë 3 persona për "Shkeljen e rregullave të qarkullimit rrugor".
- Ka ndaluar 2 persona të shpallur në kërkim për vepra penale të ndryshme.
- Janë bllokuar dhe sekuestruar 5 armë zjarri (4-pistoleta dhe 1 automatik), një granatë dore, 51 fishekë.

Vijon puna e Drejtorisë së Policisë Vlorë për rritjen e parametrave të sigurisë në të gjithë qarkun.