Policia Rrugore Durrës ka njoftuar drejtuesit e mjeteve që të reduktojnë lëvizjet, kryesisht gjatë orarit të mbazdites, në aksin dytësor Plepa –Golem, me qëllim sigurimin e lëvizjes së lirë dhe pa probleme të qytetarëve. Nga ana tjetër sipas policisë, do të ndëshkohen të gjithë drejtuesit e mjeteve që shkelin normat e qarkullimit rrugor.
Njoftimi i policisë:
Policia Rrugore Durrës orienton drejtuesit e mjeteve, të cilët frekuentojnë aksin rrugor, dytësor Plepa -Golem. Nisur nga fluksi i madh i mjeteve që qarkullojnë në fundjavë në segmentin rrugor Plepa - Golem, Policia Rrugore Durrës me qëllim sigurimin e lëvizjes së lirë dhe pa probleme në këtë aks këshillon drejtuesit e mjeteve sa më poshtë:
![](https://shqiptarja.com/template/img/NO_ALFA_Kuadrate shqiptarja.png)
• gjatë orarit të pasdites të qarkullojnë në intervale kohe të ndryshme dhe jo në mënyrë të menjëhershme;
• të mos kryejnë manovra të gabuara si : parakalime, mos -respektim të normave të shpejtësisë, mos - ruajtje të distancës së sigurisë së mjeteve në lëvizje etj.
• drejtuesit e mjeteve që kanë ardhur me pushime në zonën e Golemit, Mali i Robit të qarkullojnë në drejtim të Mbikalimit të Kavajës për të dalë në autostradë për në Tiranë për shkak të ngarkesës.
Specialistët e Sektorit të Qarkullimit Rrugor Durrës do të ndëshkojnë çdo drejtues mjeti që shkel normat e Kodit Rrugor.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Po si mund të koordinohen njerzit që të mos nisen të gjithë në të njëjtën orë?!!! Policia duhet të nxjerrë një urdhëresë konkrete që shoferët duhet ta zbatojnë!!! Si psh: Makinat që nr e parë të targës e kanë me nr tek, duhet të nisen për në plepa në orët teke! Ndërsa makinat që nr e parë të targës e kanë me nr çift, duhet të nisen për në plepa në orët çifte! Si nuk e vrasin mëndjen pak më shumë këta të policisë rrugore!!! Pfff...!
Përgjigju