‘Politikanët punojnë me kriminelët për të blerë e shitur vota’, Alibeaj publikon artikullin e të dërguarit britanik për Ballkanin: Konfirmim i qartë i denoncimeve tona

Deputeti demokrat Enkelejd Alibeaj ka postuar një pjesë nga fjala e të dërguarit britanik për Ballkanin Perëndimor. Alibeaj ka publikuar pjesë nga fjala e tij ku flitet për zgjedhjet e 25 prillit. Alibeaj thotë se u konfirmuan denoncimet e tyre për blerjen e votës.

“Konfirmimi më i qartë i të gjithë denoncimeve tona, para gjatë dhe pas procesit të 25 prillit.

LEXO EDHE:
Kremlini paralajmëron Londrën për kundërpërgjigje nëse Ukraina përdor armët britanike për të sulmuar territorin rus

"Mbështetja që disa personazhe publike marrin nga kriminelët në këmbim të korrupsionit mbyt zërin e popullit shqiptar. Siç tregon raporti i OSBE-së për monitorimin ndërkombëtar të zgjedhjeve parlamentare të vitit të kaluar, blerja e votave dhe keqpërdorimi i fondeve publike vazhdojnë të jenë një problem madhor në politikën shqiptare. Për sa kohë që politikanët janë në gjendje të punojnë me kriminelët për të blerë, shantazhuar dhe frikësuar votuesit, demokracia shqiptare do të mbetet e brishtë dhe e paplotë. Tani nevojiten ndryshime të mëtejshme dhe reforma zgjedhore. Krimi i organizuar dhe korrupsioni në Shqipëri – dhe më gjerë në rajon – nënkuptojnë gjithashtu se shuma të mëdha fondesh shtetërore, të mbledhura nga taksapaguesit e zakonshëm, nuk arrijnë kurrë në shkollat, spitalet dhe rrugët që shqiptarëve u duhen për të ndërtuar një shoqëri të shëndetshme dhe të begatë." I dërguari special i kryeministrit britanik në Ballkanin Perëndimor Sir Stuart Peach”, shkruan Alibeaj.

Lajmi kryesor:

Edhe Berisha? Britania e Madhe shpall 'non grata' individë e politikanë shqiptarë të lidhur me krimin e korrupsionin: Dëm demokracisë! Kim: E mirëpresim

SI.E./Shqiptarja.com

TAG:
• sali berisha
• Mbreteria e Bashkuar
• Britani e Madhe
• Berisha ne listen e zeze te SHBA
• Sir Stuart Peach