POP 5

Lajmet më të lexuara të 5 minutave të fundit

Politikë

Pollo: Në një vend normal, Dako do të kishte dhënë dorëheqjen

Deputeti demokrat Genc Pollo ka dalë këtë të premte në një konferencë për shtyp ku e ka komentuar trajtimin që shteti shqiptar i ka bërë përfshirjes së kryetarit të Bashkisë Durrës, Vangjush Dako në përgjimet e bandës së Avdylajve, si një anormali. 

Pollo: Në një vend normal, Dako do të kishte dhënë dorëheqjen

Deputeti demokrat, Genc Pollo

Partia Demokratike vijon akuzat ndaj kryebashkiakut të Durrësit, Vangjush Dako. Deputeti demokrat Genc Pollo deklaroi këtë të premte në një konferencë për shtyp se kryebashkiaku do të kishte dhënë dorëheqjen, nëse cështja e tij do të trajtohej në një vend normal.

Pollo u shpreh se ndonëse kanë kaluar 30 ditë qëkur përgjimet zyrtare të prokurorisë ndaj bandës së Avdylajve dëshmuan se Daku ishte palë kontraktore me këtë bandë, partia socialiste ende nuk e ka zhveshur Vangjush Dakon nga funksionet partiake. Për qëndrimin e Dakos në postin e kryebashkiakut, deputeti i PD-së akuzoi konkretisht shefin e mazhorancës, Edi Ramën.

Në fund të fjalës së tij, Pollo i bëri thirrje qytetarëve që të mos rreshtin e të mos lënë gur pa përmbysur derisa Shqipëria të kthehet në një vend normal, ku banditët pa krevatë përfundojnë në burg.

Fjalim i plotë i deputetit demokrat, Genc Pollo:

Kanë kaluar 30 ditë që kur përgjimet zyrtare të prokurorisë ndaj bandës së Avdylajve, dëshmuan se Vangjush Dako, kryebashkiak i Durrësit e shef politiko-elektoral i partisë rilindiste në pushtet për krahinat Durrës, Shijak e Krujë, është në pale kontraktore me këtë bandë: Avdylajt i mbledhin vota me para e kërcënime.

Shefrilindisti lokal i shpërblen duke i mbrojtur nga policia, duke i dhënë tendera e leje ndërtimi dhe duke ja emëruar minibanditët me shkollë në drejtoritë e Durrësit. Në një vend normal, nuk po them anëtar i NATO-s e kandidat për në Bashkimin Europian, por thjesht në një vend normal, kryebashkiaku do të kishte dhënë dorëheqjen të nesërmen, për t'i çelur rrugë hetimit të pandikuar. 

Në një vend normal, nëse kjo nuk do të ndodhte, partia e tij do ta  zhvishte nga funksionet partiake e do të procedonte me përjashtimin e tij. Në një vend normal, shefi i mazhorancës e qeverisë do e denonte aktin e ofiqarin, e të paktën do insistonte në sqarim të plotë e hetim të thelluar. Në Shqipërinë rilindiste, prej 5 vitesh Kryebashkiaku tërsëllon kundër kritikëve e kundërshtarëve që i lexojnë dosjen, herë me zë të trashë e herë me qesëndi, madje i pakursyer në padi.

 Partia e tij nuk mund t'i bëjë gjë pasi nuk është më ose gjallon nën thundrën bandito-rilindiste. Shefi i mazhorancës i jep mbrojtje mbi e nën rrogoz dhe së shpejti pritet të apelojë që kush foli e mendoi keq për Dakon, t'i kërkoi atij falje publike.

Prandaj zonja e zotërinj është detyrë primare e opozitës por edhe e gjithë shoqërisë të mos rreshtim e të mos lëm gur pa përmbysur deri sa të jemi sërish vend normal ku banditët me e pa kravatë të mos rrinë në zyra e nëpër rrugë por aty ku e kanë vendin: në burg.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alidemsi: 23/11/2018 19:07

    Vazhdon rradha e leximit......Kur del dhe ky Kuqua i Pollove..lene...lene..Il rosso piu buono fa impicare il suo padre...Kuqi me i mire vari baben e vet...

    Përgjigju
  • Rruqja: 23/11/2018 18:33

    O P0LLO .NE NJE VEND NORMAL FYTYRA SI TI QE MBANI EMRIN ME TE SHTREJT DEPUTET I POPULLIT DO ISHIN DJEG NE TURREN E DRUVE SI TRADHTAR TE VENDIT SIDOMOS TI QE PERFAQESON SHQIPERIN NE EVROPE QE NA NXINE FAQEN .KARJERA JOTE PREJ SAHANLEPIRS I KLANIT BERISHA KA MARR FUND .JE TURP KOMBETAR .MJAFT .

    Përgjigju
  • Erik: 23/11/2018 17:40

    Ne nje vend normal Lul Basha duhej futur ne burg qe i vodhi zgjedhjet e 2011-es ne tavoline me Arben raki Ristanin qe pasi numerimi e nxorri humbes me 10 vota, hapi kutite e votimit dhe i dha ca vota te paqena Bashes per ta bere kryetar bashkie. Ne 2009-en nuk denjoi t'i hapte kutite dhe futi vendin ne krize te thelle politike deri sa kulmoi me 21 Janarin, ndersa pas 2 vjetesh kur i duheshin i hapi pa pike turpi dhe Lul vemja vegjetoi 4 vjet ne krye te bashkise duke majmur vetem kunatin dhe kumbarin e vajzes qe fitonte 80% te tenderave.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46