Poroshenko: Rusia shtet agresor
përgjegjës për vdekjen e ushtarëve

Presidenti i Ukrainës, Petro Poroshenko, ka akuzuar Rusinë për vdekjet e tetë ushtarëve ukrainas, në lindje të rajoneve, Donjeck dhe Luhansk, pjesë në të cilin separatistët pro rusë i kanë rritur sulmet kundër forcave ukrainase.

Në një intervistë Poroshenko u ka thënë gazetarëve në Kiev se “Ukraina do të përgjigjet për vdekjen e secilit qytetar të Ukrainës”, pa treguar ndonjë hap specifik.

Lideri ukrainas i ka bërë këto komentë pasi është takuar me homologun e tij bjellorus, Alyaksandr Lukashenka,raporton Rel.

Poroshenko e ka quajtur Rusinë “Shtet agresor”, duke shtuar se “11,000 ukrainas janë vrarë”, në konfliktin e vazhdueshëm në Luhansk dhe Donjeck, zonë në të cilën disa pjesë kontrollohen nga separatistet pro rusë, nga prilli i 2014-ës.

Presidenti ukrainas ka thënë se “do të kërkojë kthimin e menjëhershëm të armushimit në gjithë vijën e fronit”, duke u bazuar në atë që njihet si marrëveshja e Minskut, të vitit 2015.

Sipas kësaj marrëveshje të liderëve nga Ukraina, Rusia, Franca dhe Gjermania, është bërë thirrje për armëpushim, tërheqjen e armëve të rënda nga vija e fronit të luftimeve, dhe krijimi i një reforme e cila do t’i jepte Ukrainës më shumë autonomi.

Sipas Kombeve të Bashkuara, nga viti 2014 kur ka nisur konflikti në lindje të Ukrainës, kanë vdekur më shumë se 10,000 persona.

Konflikti nisi pasi Moska aneksoi paligshëm Krimenë nga Ukraina, dhe vazhdon të mbështesë separatistët pro rusë në lindje të Ukrainës. Ndërkohë Rusia këto akuza i mohon.
 

Redaksia online
D.M/Shqiptarja.com