Një raport i Global Initiative për Krimin e Organizuar, e konsideron Portin e Durrësit si rrugë kalimi të kokainës. I përfshirë në studim në mesin e nëntë porteve në Ballkan ku trafikohen lëndë narkotike që mbërrijnë nga vendet e Amerikës Latine, Global Initiative e konsideron të vogël Portin e Durrësit, por me një peshë të madhe sa i përket ndikimit tek grupet kriminale. Duke përmendur investimet e kryera në teknologji të lartë skanimi dhe kamerash sigurie, raporti nuk lë pa përmendur edhe pjesët e dobëta.
“Një rrugë prej 1 kilometër ndan terminalin e kontejnerëve nga makineritë e skanimit dhe, megjithëse është brenda perimetrit të portit, niveli i sigurisë së ofruar është dukshëm më i ulët se në zonat e tjera portuale. Kjo mund t'u japë aktorëve kriminalë që veprojnë në port hapësirë dhe kohë për të manipuluar kontejnerët përpara se të kontrollohen”, thuhet në raport.
Global Initiative përmend edhe një rrugë të brendshme që lidh portin e peshkimit me atë të kontejnerëve, që sipas tij krijon lidhje për shkarkimin e sasive të drogës.
“Afërsia e portit të peshkimit me terminalin e kontejnerëve e bën atë të pambrojtur ndaj një shkeljeje sigurie. Në përgjithësi, terminali i kontejnerëve është i siguruar mirë, por është gjithashtu i lidhur me portin e peshkimit nëpërmjet një rruge të brendshme ku peshkatarët mund të hyjnë lehtësisht. Edhe pse peshkatarët nuk mund të hyjnë në terminal pa një distinktiv zyrtar, ka pasur raste kur ata kanë tentuar të shkarkojnë drogën nga kontejnerët e ruajtur në këto zona”, vijon raporti.
Në Portin e Durrësit është shtuar ndjeshëm forca goditëse e rasteve të kapjes së kokainës, kjo ndikuar edhe nga investimet në teknologji dhe bashkëpunimit të autoriteteve, por Global Initiative vëren se ka pak ndjekje penale të nivelit të lartë. Madje shkon deri aty sa pretendon se porti do të jetë i cënuar nëse kriminalët e mëdhenj do të vijojnë të mendojnë se nuk kanë ndjekje penale.
“Numri i lartë i kapjeve të kokainës në portin e Durrësit tregon jo vetëm se porti është një pikë hyrëse e rëndësishme për trafikun e drogës, por edhe se autoritetet portuale dhe policia po përmirësojnë aftësinë e tyre ndaluese. Megjithatë, ekziston një model i qartë që të arrestuarit janë zakonisht kriminelë të nivelit të ulët, të cilët nuk janë të angazhuar në tregtinë ndërkombëtare të drogës, por më tepër janë një shërbim shpërndarjeje që punon me pagesë. Ndërkohë që siguria në port mund të përmirësohet dhe bashkëpunimi me forcat e rendit po bëhet më efektiv, porti do të mbetet i cenueshëm nëse kriminelët e mëdhenj mendojnë se rreziku i tyre i ndjekjes penale është i ulët”, thotë raporti.
Në raport gjenden lidhje edhe të emrave të njohur të botës së krimit, të cilët në mënyrë legale kanë qenë të përfshirë. Një ndër to është edhe Edmond Koçi, i ekzekutuar në mars 2021.
“Duke qenë se porti është një aktor i rëndësishëm ekonomik për qytetin, shumë prej grupeve kriminale janë të përfshirë edhe në operacionet portuale nëpërmjet kompanive legale që ofrojnë shërbime të ndryshme. Për shembull, në mars 2021, Edmond Koçi, pronari i një kompanie logjistike që operonte brenda portit dhe një pjesëtar i shquar i kriminelit të Bandës së Durrësit u qëllua për vdekje teksa drejtonte makinën e tij. Para vrasjes së tij, Koçi ka qenë i njohur për policinë, nga hetimet ka rezultuar se ai ka qenë aksioner dhe pronar në hije i kompanive të ndryshme të anijeve që operojnë aktivisht në portin e Durrësit”, thuhet në raportin e Global Initiative”, shkruhet në raport.
Global Initiative shton se në Portin e Durrësit nuk trafikohet vetëm kokainë, por edhe heroinë, cigare apo para. Ndër to përmend edhe kapjen e 3.4 milionë eurove të mbërritura me Toyota Yaris në vitin 2018. Raporti konsideron se qyteti i Durrësit dhe porti i tij bashkojnë interesat e shumë grupeve kriminale në një rajon që njihet si pikë e nxehtë e trafikut të drogës dhe qenieve njerëzore. Është gjithashtu një magnet për kriminelët nga pjesë të tjera të vendit.
Lajme të tjera
-
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Tentoi të dilte nga Shqipëria me pasaportë bullgare false, arrestohet një turk në Portin e Durrësit
21 Nëntor, 13:29 -
Pjesë e grupit që xhironte 10 mijë euro kokainë në ditë, 32-vjeçari shqiptar kapet në Spanjë dhe ekstradohet në Itali! E shpërndanin me makina luksoze të shpejta
18 Nëntor, 17:05 -
Operacioni i SPAK/ Kokaina nga Amerika Latine në laboratorin e Fushë Krujës, shqiptarët ishin financuesit, të huajat kimistët! Njëri prej të arrestuarve i përfshirë në 2 vrasje në Durrës (FOTO)
16 Nëntor, 16:18 -
Kokaina nga Amerika Latine përpunohej në laborator në Fushë Krujë e çohej në BE! Baza edhe tek 'Kodra e Diellit 2'! SPAK: 10 të arrestuar mes tyre 3 të huaj! Në 48 ton lëkurë gjedhi fshihet droga e importuar (EMRAT)
16 Nëntor, 07:23 -
Trafiku i kokainës nga Ekuadori në Itali! Shqiptarët Albert Turja dhe i vëllai Rolandi organizonin nxjerrjen e drogës nga porti i Livornos! Prindërit e Rolando pronarë të 'Power Hotel' në Durrës
8 Nëntor, 12:16 -
Shkatërrohet grupi krimal që furnizonte Italinë me drogë nga Amerika e Jugut! Kapen 2 ton kokainë, vlera 70 mln euro! 23 të arrestuar në Itali, 2 në Shqipëri! U zbuluan nga përgjimet e Sky ECC (EMRAT)
6 Nëntor, 11:12 -
Durrës/ Anija me mbetje ende në radë, Prokuroria sqaron vonesat: Derisa të sigurohen kushtet e duhura! Kërkesë disa institucioneve që të vënë në dispozicion laboratorë për analizat
1 Nëntor, 16:50 -
Linjat e trafikut të kokainës nga Amerika Latine në BE dhe përfshirja e shqiptarëve! Dumani me 4 prokurorë të SPAK në Brazil
28 Tetor, 13:01
-
APP konfirmon zyrtarisht: Tenderi i Portit të ri Tregtar në Porto-Romano u anulua sepse nuk pati asnjë ofertë të përshtatshme!
11 Tetor, 17:01 -
Në burg për trafik armësh dhe grup kriminal, Apeli i GJKKO rrëzon kërkesën e Admir Tutaj për ndryshim mase! Në shtator u ekstradua nga Kolumbia
11 Tetor, 12:36
-
Fshehu 31 120 paundë në shasinë e furgonit arrestohet 32 vjeçari në Portin e Durrësit, në korrik solli nga Britania 111 mijë paund
11 Tetor, 09:51
