SHKODËR- Shkon në 50 numri i nxënësve të shkollës " Adem Haxhia" në Postribë që janë paraqitur në spital me shenja intoksinimi dhe dyshimet janë se kemi të bëjmë me helmim masiv. Gazetari i Report Tv, Ergys Kavaja raporton se 6 prej nxënësve janë shtruar në spital pasi sipas rrëfimit të prindërve, gjendja e tyre shëndetësore është përkeqësuar me dhimbje barku dhe të vjella. Prindërit hedhin akuza se fëmijët e tyre janë helmuar për shkak të ushqimit që kanë konsumuar gjatë pushimit të madh në një Fast-Food që ndodhet përpara shkollës.
Ndërsa Drejtoria i Shëndetit Publik ka dyshime se mund të ketë ndodhur edhe nga uji. Por prindërit janë përplasur në një debat me përfaqësuesen e ISHP-së në Shkodër jashtë ambienteve të shkollës teksa ajo deklaronte për mediat se janë marrë mostra uji për të parë më tej rezultatet. Një prind tha se asnjëherë më parë nuk ka pasur probleme me ujin në zonën e Postribës, dhe sa herë që janë bërë analizat, ka rezultuar i pastër.
Përfaqësuesja e DSHP-së: Kemi kontaktuar me drejtorinë e ujësjellësit dhe drejtoreshën e shkollës që në mënyrë absolute tani për tani uji të mos konsumohet deri në daljen e analizave. Sot janë marrë kampione të analizave fiziko-kimike bakteriologjike si nga drejtoria jonë ashtu edhe nga Inspektorati Shtetëror i Shkodrës. Presim analizat, vazhdojmë hetimin, komunikojmë edhe me ISHP-në në Tiranë deri në një konkluzion"
Prindi: Si ka mundësi që u helmuan për ujin? Uji ka 20 vjet këtu, mos ja lini ujit, se ky ujë është kontrolluar, ka dalë i pastër 20 herë që i është bërë kontrolli".
Përfaqësuesja e DSHP Shkodër: Nuk varet prej meje, është Tirana që vendos.
Prindi: Analiza mos të bëhet në Shkodër.
Ditën e djeshme në urgjencën e Spitalit Rajonal mbërritën 26 nxënës nga shkolla e mesme e Bashkuar në Postribë, me simptoma të tilla si të vjella, temperaturë, marrje mendsh, por më pas situata është përkeqësuar dhe ky numër ka shkuar në 50, ku 6 prej tyre janë shtruar në spital për shkak se gjendja e tyre nuk ka pasur përmirësime.
"Në total janë paraqitur 26 raste nga ku 16 raste janë trajtuar në repartin infektiv dhe 10 raste janë trajtuar në repartin e pediatrisë. Aktualisht 7 persona po marrin akoma shërbim në spital, 5 persona tek reparti i infektivit dhe 2 në pediatri, pjesa tjetër kanë lënë spitalin", njoftoi më herët spitali.
Për ngjarjen, policia njofton se janë shoqëruar pronarët e fast food-it për deklarime, si dhe po bëhen verifikimet nga Drejtoria AKU, ndërsa deri në përfundim të veprimeve, Fast-Foodi është mbyllur.
Ka shkuar në 50 numri i nxënësve që janë helmuar në shkollën "Adem Haxhia" në Postribë, 6 prej tyre janë shtruar në spital me të vjella, dhimbje barku, temperaturë dhe ethe teksa bëjnë fajtor ushqimin e "Fast Food-it" përballë shkollës. Për mikrofonin e Report Tv e konfimron këtë gjë edhe një nga nxënësit e helmuar, i cili hedh poshtë faktin se mund të jetë helmuar nga uji në shkollë, pasi ai nuk e ka konsumuar sepse merr gjithmonë ujë me vete.
"Erdha pasdite dhe më thanë të shtohesha. Prej sanduicave, ujë s'kam pirë te shkolla, kam marrë me vete. Më thanë që jam helmuar, kam bërë serume", shprehet për Report Tv një nga nxënësit e helmuar.
"Jam që në orën 2:00. Helmim, dhimbje barku, ethe, temperaturë, Ethe. Ne po ia lejmë helmimin, ca do ketë ngënë tek shkolla, ndoshta dhe te shtëpia, nuk e di. S'e di s'mendoj se kurrkush nuk e do të keqen se gjithkush ka fëmijë, ka familje. Zoti dëgjon për të tërë", tha nëna e një prej nxënësve.
Policia ka nisur hetimet teksa Drejtoria e Shëndetit Publik ka marrë mostrat e ujit dhe të ushqimeve të Fast-Food për të indentifikuar shkaqet e helmimit.
Komente
Lajme të tjera
-
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55 -
Moti i keq në Shkodër, prurje masive ujërash në tunelin e Gjegjanit! Policia dhe nënkontraktori në terren me 2 fadroma
22 Nëntor, 19:26 -
Moti i keq/ Fshatrat e Shkodrës pa energji elektrike
22 Nëntor, 18:21 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Atentati në Shkodër/ Zbardhet dëshmia e policëve: S’e njohëm personin e 3 nëse ishte Ibrahim Lici! Gjykata i liron nga qelia, pezullohen nga detyra
22 Nëntor, 13:11 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Qyteti i Pukës mbetet pa spital, era e fortë rrëzon çatinë! Rrëshqitje dherash në Fushë-Arrëz, tre banesa rrezikojnë të shemben
21 Nëntor, 16:33 -
Studimi në Shkodër: Afro 20 për qind e nxënësve bullizohen në shkollë! Shqetësim dhe mungesa e oficerëve të sigurisë
21 Nëntor, 16:16
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Moti i keq/ Borë në Theth e Vermosh, borëpastrueset në terren! Akset të kalueshme (VIDEO)
21 Nëntor, 09:45 -
E akuzoi se e emëruan bandat, ish-drejtori i Policisë së Shkodrës padit Gazment Bardhin për shpifje
21 Nëntor, 09:32
Dikush po na i helmon edhe femijet tane e pse jo armiku ku ka turbullire e kaos vepron...
PërgjigjuFAJIN E KANE PRINDERIT,,DUHET TI JEPNI BUKEN ME VETE FEMIJVE.,,.
PërgjigjuSa gjynah , bajg shtet
PërgjigjuJo me ska mundesi, ky asht aktivisti ma i mall nkatun, i ka llan me hang Sales e Romes, e keni me antikomunistet o komunist ...
Përgjigju