Sipas Partisë Republikane që paraditen e së mërkurës dërgoi ankimimin e saj në Kushtetuese, ky ligj ndonëse u miratua në Parlament shkel të drejtat e ish pronarëve, ndërkohë që konsiderohet si antikushtetues.
Ky ankimim erdhi pas atij të bërë më 23 janar nga Nishani, i cili dy ditë pas rrëzimit të dekretit të tij në Kuvend për rishqyrtimin e ligjit të pronave e çoi atë në Kushtetuese.
Në relacionin e Nishanit thuhej se, ligji cënon parimet bazë të sigurisë juridike dhe barazisë para ligjit, duke zhbërë konceptin e ekonomisë së tregut si dhe bie ndesh me vendimet e Gjykatës Kushtetuese dhe standardin e vendosur nga Gjykata Evropiane e Të Drejtave të Njeriut”.
Përpara se Nishani ta çonte këtë ligj në Gjykatën Kushtetuese kanë qenë ish pronarët që dolën në një protestë në ditën kur në Parlament do të votohej ky ligj dhe rishqyrtimi i kërkuar nga Presidenti.
Redaksia Online
(F.T/shqiptarja.com)