POP 5

Lajmet më të lexuara të 5 minutave të fundit

Sociale

Prag sezoni, në Shëngjin mungojnë punëtorët! Palokaj: 20 mijë vende pune në hoteleri-turizëm

Turizmi në bregdetin e Shëngjinit pritet të përballet me problematika edhe këtë sezon veror….

Kreu i Dhomës së Tregtisë dhe Industrisë në Lezhë, Pashk Palokaj thotë se shqetësim kryesor për biznesin është mungesa e infrastrukturës rrugore, konkretisht rruga nga Miloti në Shëngjin, e cila shkakton trafik të rënduar gjatë verës. Gjithashtu, mungesa me furnizimin e ujit të pijshëm në disa zona të Shëngjinit.

“Ne kemi shumë vite që diskutojmë. Me rritjen e fluksit të turistëve, normalisht që çështja e trafikut është parësore dhe imediate. Mungesa e infrastrukturës dihet nga të gjithë ne, rruga nga Miloti në Shëngjin është një katastrofë, sepse është një rrugë e ngushtë, një rrugë e vogël që nuk I përgjigjet as trafikut norma të sezonit dimëror e jo më fluksit të turizmit”, tha Pashk Palokaj.

Sigurimi i krahut të punës është problemi kryesor i biznesit, kryesisht për kamarier, banakier dhe kuzhinier, paga mesatare e të cilëve shkon edhe në 500 euro.  Gjatë sezonit veror në Lezhë hapen afro 20 mijë vende pune.

 “Çështja e krahut të punës është problem, është problem pasi në drejtim të krahut të kualifikuar ne po ndeshim pengesa çdo ditë e më tepër. Duke qenë se kërkesa është e madhe dhe mungesa është pothuajse e madhe”, tha Pashk Palokaj.

Shëngjini, Rana e Hedhun ka një kapacitet akomodues prej 30 mijë shtretërish. Përveç 2 viteve të errëta të pandemisë së Covid-19, numri i pushuesve në plazhe dhe pika të tjera turistike të Lezhës ka ardhur në rritje duke kapur shifrën e një milion vizitorë gjatë sezonit të kaluar.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49