Teksa sezoni turistik 2015-të po afron, Korpusi i Vullnetarëve dhe Agjencia Kombëtare e Bregdetit kanë nisur aksionin për pastrimin e plazheve të ndotura  në vend, duke e nisur aksionin nga plazhi i Spillesë. I pranishëm në këtë aksion ishte dhe Ministri i Ekonomisë Arben Ahmetaj, i cili lançoi edhe planin e masave për sezonin turistik 2015, që do të mbështetet në mënyrë të drejtpërdrejtë edhe nga Ministrinë e Zhvillimit Ekonomik, Turizmit, Tregtise dhe Sipermarrjes.

Ministri Ahmetaj është shprehur se plani i masave për sezonin turistik 2015 është pregatitur dhe tashmë pritet që ai të zbatohet në terren. Aksioni ka nisur nga plazhi i Spillesë, në Kavajë për të vazhduar në ditët në vijim edhe në plazhe të tjera, të ndotura në vendi.

Pastrimi i plazheve në të gjithë vendin do t’ju ofruar të gjithë turistëve vendas apo të huaj pamjen e duhur të bregdetit shqiptarë.
Ministri Ahmetaj është shprehur gjithashtu se në bashkëpunim me ministrinë e Shëndetësisë janë marë masat për vendosjen e ambulancave mobile në zonat e plazheve.


Redaksia Online
(o.b/ Shqiptarja.com)