Rreth 8 të burgosura të burgut të grave 325 janë ngjitur në këtë skenë nën drejtimin artistik të regjisores Ema Andrea, duke sjellë përmes artit vuajtjen, dëshirat, shpresat si dhe dramat e tyre pas hekurave dhe jo vetëm.
Një çast kulmues i spektaklit ka qenë dalja në skenë e Nazime Vishës e veshur sin use. Historia e saj ka qenë një ndër më të diskutuarat në media dhe në opinionin publik për muaj me radhë.
Ajo është e dënuar me 10 vjet heqje lirie me akuzën e vrasjes. Nazime Visha vrau para dy vitesh Fiqiri Muçën, ku vetë Nazimja e ka pranuar krimin, por ka shpjeguar se e ka kryer në kushtet ku 50-vjeçari i shkatërroi jetën duke e përdhunuar që në moshë të mitur.
Mes emocionesh kjo shfaqe e pazakontë ka prekur dhe ka emocionuar pa masë jo vetëm të pranishmit në sallën e teatrit Kombëtar por edhe vetë protagonsitet
Regjisorja Ema Andrea shprehet për punën me to në mikrofonin e A1 Report:
"Nuk ka qënë qëllimi dhe siç e vutë re as të jenë heroina as të jenë viktima po thjeshtë njerëzore por si zgjatje ka qënë një muaj e pak. Ishte një periudhë intensive dhe një periudhë më pak intensive derisa u bë realitet kjo gjë, por ka pasur mbështetjen shumë të mirë nga Drejtoria e Përgjithsme e Burgjeve.
Ato kanë një gjë shumë simpatike që nuk e shprehin emocionin por t'i e vë re në pjesën e qafës dhe në sytë por nuk e shprehin emocionin. Shumë të emocionuara kanë qënë dhe shumë të përgjegjshme"-vijoi Andrea në fjalën e saj.
Ato nuk njihen me emrat e tyre si aktore. Në vend të kesaj, regjisorja Andrea ka vendosur t'i "mbiquaj137" ato sipas viteve të mbetura të burgimit që kanë për të kryer.
Skenografia nga Klod Dedja ka qenë gjithashtu, një element surprizë i shfaqjes. Shfaqja “Prag: ka mbyllur siparin mes duartrokitjesh e lotësh nga të pranishmit.
![shfaqja](http://www.shqiptarja.com/foto/172556.jpg)
![shfaqja](http://www.shqiptarja.com/foto/172557.jpg)
![shfaqja](http://www.shqiptarja.com/foto/172558.jpg)
![shfaqja](http://www.shqiptarja.com/foto/172559.jpg)
Redaksia Online
(xh.k/shqiptarja.com)
![](https://www.shqiptarja.com/template/img/sh_logo1.png)