POP 5

Lajmet më të lexuara të 5 minutave të fundit

Kronikë

Pranga drejtorit të SHISH, vodhi 
energjinë për lokalin në Laprakë

Një nga vartësit më të besuar të kreut aktual të Shërbimit Informativ shtetëror Visho Ajazi Likës është arrestuar nga policia e Tiranës. Në pranga ka rënë Pjetër Kaçi i cili rezulton të jetë dhe Drejtori i Krimit Ekonomik në SHISH. Kaçi është arrestuar për vjedhje të energjisë elektrike, ku në lokalin e tij në Laprakë inspektorët kanë konstatuar lidhje të paligjshme energjie. VIDEO
TIRANE – Drejtori i Krimit Ekonomik në Shërbimin Informativ Shtetëror, Pjetër Kaçi është prangosur nga policia e shtetit nën akuzën e vjedhjes së energjisë elektrike.

Ky fakt konfirmohet për A1 Report nga burime pranë Policisë së Shtetit, të cilat thanë se Kaçi është prangosur rreth orës 23:00 të mbrëmjes të së hënës, teksa në lokalin e tij është konstatuar lidhje e paligjshme e energjisë elektrike.

Vartësi i Visho Ajazi Likës aktualisht ndodhet në ambientet e izolimit në Komisariatin numër 2 në Tiranë, teksa pritet që të mërkurën të dalë para gjykatës për t'u njohur me masën e sigurisë.

Kaçi rezulton që në Shërbimin Informativ Shtetëror të mbajë një nga postet kyçe duke qenë dhe i besuari i kreut aktual të SHISH, Visho Ajazi Likës, ndërsa në terren inspektorët e Operatorit të Shpërndarjes së Energjisë Elektrike dhe policia kanë konstatuar lidhjen e paligjshme në lokalin e tij.

Menjëherë pas arrestimit, policia bënë me dije se ka njoftuar Shërbimin Informativ Shtetëror dhe vetë kreun e saj Visho Ajazi Lika, teksa ka kërkuar që ndaj Drejtorit të Krimit Ekonomik të merret dhe masë administrative për shkeljen e konstatuar si vepër penale ajo e vjedhjes së energjisë elektrike.

Redaksia Online
(Shqiptarja.com)

/Shqiptarja.com
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Në arrati nga viti 2023, SPAK shtyn me 3 muaj hetimet për Arben Ahmetaj

Në arrati nga viti 2023, SPAK shtyn me 3 muaj hetimet për Arben Ahmetaj

27 Dhjetor, 11:21 nga Keti Banushi