X

POP 5

Lajmet më të lexuara të 5 minutave të fundit

Kronikë

Prania e ngricave në vend, ARRSH: Segmentet e kalueshme me zinxhirë në rajonin verior e qendror, ja cilat janë ato

ARRSH ka njoftuar se segmentet rrugore në vend të cilat janë të kalueshme me zinxhirë ose pjesërisht, për shkak të ngricave të akullit, janë ato të rajonit qendror e verior. Ndërkohë, në rajonin jugor qarkullimi zhvillohet normalisht. 

Prania e ngricave në vend, ARRSH: Segmentet e kalueshme me zinxhirë në rajonin verior e qendror, ja cilat janë ato

Fotot e publikuar nga ARRSH

Autoriteti Rrugor Shqiptar ka njoftuar këtë të enjte se segmentet rrugore në vend të cilat janë të  kalueshme me zinxhirë ose pjesërisht, për shkak të ngricave të akullit të shkaktuara nga reshjet e rëna të dëborës, janë ato të rajonit verior e qendror. 

Konkretisht ARRSH përmend si akse të cilat duhen përshkuar me zinxhirë Domaj-Draj Reç, Ura e Cerenecit-Steblevë, Sllovë –Vasije, Peshkopi-Qafë-Drajë, Peshkopi-Ushtelencë, Qafë Bualli-Krastë dhe Trebisht-Doganë, Trau i Dajtit-Teleferik-Vilat Qeveritare, Qafë Priskë-Shëngjergj, Qafë Priskë-Qafë Mollë, Krujë-Sarisalltik dhe Lunik-Steblevë.

Ndërkohë qarkullimi në rajonin jugor, konkretisht në Qarkun Korçë, Gjirokastër e Vlorë, kryhet normalisht, pa zinxhirë.

Teksa përmend se në tre rajonet nuk ka patur reshje dhe se temperaturat vijojnë të ulëta, ARRSH bën me dije se në orët e para të mëngjesit të gjithë kontraktorët e mirëmbajtjes kanë shpërndarë për shkak të ngricave në rrugë kripë.

Autoriteti Rrugor Shqiptar rekomandon që përdoruesit e rrugës të bëjnë kujdes, të lëvizin me shpejtësi të reduktuar, të vendosin zinxhirë në akset e lajmëruara, si dhe të respektojnë sinjalistikën dhe udhëzimet e Policisë Rrugore.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Kristjan Asllani i katërti, kush janë tre shqiptarët e tjerë që kanë fituar Serie A

Kristjan Asllani i katërti, kush janë tre shqiptarët e tjerë që kanë fituar Serie A

23 Prill, 11:57