TIRANE- Për ekspertin e ekonomisë Zef Preçi, sulmet ekstreme ndaj biznesit të vogël dhe toleranca ndaj kompanive që grabisin qindra miliona euro përbëjnë një prej aspekteve më negativë të aksionit kundër informalitetit.

Preçi thotë për “Shqiptarja.com” se një aspekt po aq negativ përbëjnë edhe gjobat ndëshkimet ekstreme për subjektet, të cilat nënvizon qartë dhe nga retorika e përdorur nga zyrtarët, ku nuk mungojnë as shprehjet “luftë", për “burg”, për “ndëshkim pa meshirë". Sipas tij që nga koha e Napoleonit apo më herët, masa e ndëshkimit shkon në përpjestim të drejtë me masën shkeljes së ligjit, gjë që i bën masat e marra nga qeveria joproduktive.