POP 5

Lajmet më të lexuara të 5 minutave të fundit

Politikë

‘Prefekti’ fut në sherr deputetët në seancë plenare! Balla: Ligji, që të kthejmë në ‘koordinator’ prefektin! Opozita: Kërkoni të kontrolloni edhe pushtetin lokal

Në seancën plenare deputetët u përfshinë në debate për ndryshimin e ligjit të Prefektit. Ministri Taulant Balla tha se ndryshimet synojnë të kthejnë rolin e prefektit më funksional, ndërsa opozita e quajti mekanizëm për të kontrolluar edhe pushtetin vendor

Nuk kaloi pa debate në Kuvend, ligji për “Prefektin”.

Ministri i Brendshëm Taulant Balla tha se ky ligj synon t’i japë rol më aktiv prefektit në koordinimin mes pushtetit vendor e qeverisë.

“E rëndësishme është që prefekti të kthehet në koordinator dhe historia e kryebashkiakut që merr në telefon hajde se ka rënë zjarr në filan fshat.’- tha Balla.

Por opozita e sheh krejt ndryshe. Deputetet demokrate Dhurata Çupi e Jorida Tabaku thanë se përmes këtij ligji, qeveris synon të kontrollojë edhe pushtetin vendor.

‘Duke qenë se kjo çështjet prek bashkitë, përcaktimi duhet bërë në ligjin për qeverisjen vendore, i cili kërkon shumicë të cilësuar. Nuk mundet që prefekti, pra qeveria, të detyrojë pushtetin lokal të krijojë dhe të ngrejë organizma, komitete, grupe pune. Kjo tregon mentalitetin e rrezikshëm tuajin për të kontrolluar çdo pushtet, edhe kur pushtetin lokal e qeverisni ju në masë absolute.’- tha Çupi.

“Dështoi 2014, duhet të reformojmë gjithë pushtetin vendor jo vetëm prefektin.”- tha Tabaku.

Kundërpërgjigjen, Balla e pati edhe me një parashikim:

 “Kemi reflektuar kërkesat e kryebashkiakëve të opozitës, edhe pse s’do ju ngelë asnjë kryebashkiak në 2027.”- u shpreh Balla.

Këtë pikë të rendit të ditës, deputetja socialiste Blerina Gjylameti e shfrytëzoi për të hedhur dritë mbi votimin e djeshëm të Asamblesë Parlamentare për nxjerrjen e Shqipërisë nga lista e vendeve nën monitorim, duke akuzuar Lulzim Bashën se nuk votoi.

Ndryshimet në ligjin për prefektin synojnë një rritje të rolit të tij dhe qartësim të kompetencave, sidomos për çështjet që lidhen me sigurinë publike dhe koordinimin për emergjencat civile.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Sali Berisha: Vendimi i parë që do marr kur të vij në pushtet, është rihapja e TikTok

Sali Berisha: Vendimi i parë që do marr kur të vij në pushtet, është rihapja e TikTok

23 Dhjetor, 13:11