Teksa prej gati 2 javësh vendi, sidomos Vlora, është mbuluar nga zjarret që po djegin pasurinë tonë kombëtare, pyje dhe kullota, në Emergjencat tona Civile situata është marrë me qetësi 'olimpike'. Për kreun e Emergjencave Civile, Haki Çako, shqetësimi se ai nuk është gjendur në krye të detyrës në këtë situatë emergjencash është i pavend pasi ai ka qenë në një eveniment familjar dhe për këtë s'ka pse merr leje.

'Jemi në operacion, do të vazhdojmë me të gjitha mjetet e mundshme, me të gjithë kapacitete. Për të mos depërtuar. Kam qenë në fundjavë për një eveniment familjar, nuk mund t'i marr leje askujt përveçse Zotit dhe procedurave ligjore.  Nuk është e vërtetë që kam 1 javë që kam humbur. Kam qenë për dy ditë në një eveniment familjar", tha ai.

Në një intervistën e dhënë nga Dukati me gazetarin e Report Tv, Armand Xhelili, Çako shprehet se i gjithë shteti është në këmbë dhe po bëhet gjithçka për shuarjen e zjarreve.

"Sot janë në terren rreth 500 forca të armatosura bashkë me të gjitha strukturat e tjera. Helikopterët duhen futur në remont dhe kanë orët e tyre të fluturimit.  Kemi 2 helikopterë, aktualisht njëri është në operacion ndërsa tjetri për shkak të një defekti është ende në remont.  Nuk është e mundur të fluturojnë natën.  Po bëjmë maksimumin me gjithçka dhe sot shpresojmë që ta vendosim situatën në kontroll.  Duhet të kemi parasysh që ligji për mbrojtjen civile ka të përcaktuar qartë që duhet konsumuar të gjitha kapacitete e tjera pastaj duhen angazhuar strukturat operacionale qendrore, ku bëjnë pjesë edhe ato nga ajri.  Nuk mundet që për çdo zjarr të rënë të vëmë në dispozicion ndërhyrjen nga ajri. Pasi bëhet vlerësimi i situatës vihet në dispozicion.  Mjeti ka qenë në dispozicion, është operuar edhe në Berat për ditë të tëra ashtu sikurse ka operuar edhe në Vlorë", tha shefi i Emergjencave Civile.

Lajm në përditësim...

1627981661_helikopteri.jpg

Helikopteri i forcave Armatosura

 
Rendit zhvillimet sipas orarit:
Ora 10:48
Pas ngritjes me vonesë të helikopterit shtetëror do na duhen privatët, por sa do të kushtojnë? Kreu i Emergjencave: Nuk e di

Nga Ministria e Mbrojtjes dhe Emergjencat Civile është thënë se sot po fluturojnë për fikjen e zjarreve edhe 2 helikopterë të kontraktuar nga privatët.

Por edhe pse e ngritën helikopterin e shtetit 10 ditë me vonesë dhe kostot e kontraktimit të privatëve mund të ishin shmangur, kreu i Emergjencave Civile nuk është në gjendje as ta thotë se sa do t'i kushtojë taksapaguesve ky shërbim.

I pyetur nga Report Tv në intervistën live nga Dukati, Haki Çako tha se ai nuk e di koston.

"Nuk është çështje që më takon mua! Nuk di ta them se sa ka kushtuar", tha Çako.

K.T./Shqiptarja.com

Ora 10:36
Refuzoi kërkesën e KLSH për kontroll?! Çako: Nuk është e vërtetë, po procedohet normalisht

KLSH më 30 korrik nisi kontrollin ndaj strukturave që menaxhojnë shuarjen e zjarreve, por sipas një lajmi dje u deklarua se kjo është refuzuar nga Emergjencat Civile. Vetë KLSH shprehet se ka marrë nga Emergjencat Civile përgjigjen se "Drejtori i emergjencave Civile Haki Çako është me pushime deri në datën 9 gusht dhe KLSH nuk mund të auditojnë në institucion pa u kthyer drejtori i përgjithshëm". Por i pyetur nga Report Tv për këtë deklaratë, Haki Çako e refuzon kategorikisht. 

"Nuk është e vërtetë që është refuzuar kontrolli. Është administruar një kërkesë dje dhe po procedohet", thotë ai. 

K.T./Shqiptarja.com

Ora 10:31
Çako: I kemi kërkuar ndihmë fqinjëve dhe BE-së por kanë problemet e tyre

 

Shefi i Emergjencave Civile, Haki Çako deklaron për Report Tv se i është kërkuar ndihmë edhe fqinjëve dhe BE-së por ata kanë nevojat e tyre.

"Masat janë marrë që të gjitha, i gjithë shteti është në këmbë. Të gjitha strukturat janë të angazhuara. Është një situata që ka prekur gjithë Ballkanin. Edhe pse kemi kontaktuar edhe më fqinjët edhe me Brukselin, ata kanë pasur nevojat e veta dhe nuk kanë mundur të na përgjigjen", shprehet ai.

K.T./Shqiptarja.com