POP 5

Lajmet më të lexuara të 5 minutave të fundit

Kronikë

Prej 17 ditësh i zhdukur së bashku me Leonard Thodhorin, familjarët e Fatmir Sulovarit protestë para komisariatit: Gjeni trupin, vrasësit s’duam t’i njohim

Familjarët e 46 vjeçarit Fatmir Sulovari, i cili prej 17 ditësh është zhdukur së bashku me Leonard Thodhorin, kanë protestuar ditën e sotme para komisariatit të policisë në Sarandë.

Familjarët e 46 vjeçarit Fatmir Sulovari, i cili prej 17 ditësh është zhdukur së bashku me Leonard Thodhorin, kanë protestuar ditën e sotme para komisariatit të policisë në Sarandë.

Familjarët kërkojnë që policia të veprojë për zbardhjen e ngjarjes. Njëri prej personave të pranishëm në komisariat, i bindur se të zhdukurve mund t’u ketë ndodhur diçka kanë kërkuar vetëm që t’ui jepen trupat për t’i varrosur duke thënë se nuk duan t’ja dinë kush kanë qenë autorët e ngjarjes dhe se do t’i lënë hetimet në dorë të shtetit.

“Nëse të marr unë peng, të fus në makinë, a do vijë shteti? Pse nuk vjen për djalin tonë? Nuk duam ta dimë kush e ka vrarë, ai që e ka vrarë të dalë para drejtësisë të marrë dënimin që meriton. Kaq duam ne”- shprehet njëri prej të pranishmëve.

Punonjësi i komisariatit të policisë, u ka kërkuar të pranishmëve që të mos bëjnë presione dhe nuk u ka dhënë shpjegime duke u thënë se duhej të flisnin me eprorin e tij.

Ditë më parë, motra dhe nëna e Leonard Thodhorit kanë kërkuar që shteti të marrë masa për gjetjen e tij duke aluduar se zhdukja e tij lidhet edhe me shitjen e disa prej tokave që i kishte në pronësi.

Kush janë të zhdukurit:

1. Leonard Theodhori, 46 vjec i njohur si “Koçole”. I dënuar disa here. I dyshuar si pjesëmarrës në Masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent ne automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallezim krimi” lidhur me një ngjarje tjetër të kryer nga Gjini. I arrestuar më pas per “vjedhje” e “mashtrim”. Përdorues i lëndëve narkotike dhe i dyshuar si i perfshirë në trafik lëndësh narkotike.

2. Fatmir Sulovari alias Fatmir Krasniqi, 46 vjec. I dënuar më parë për “armëmbajtje pa leje” dhe “plagosja e lehtë me dashje”. I arrestuar ne prill 2022 ne Lushnje, pasi ne mjetin e tij “BMË” X5 u gjet nje sasi cannabis sativa e ndarë në doza gati për shitje.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50