X

POP 5

Lajmet më të lexuara të 5 minutave të fundit

Sociale

Drejt Punës

Prej 55 vitesh rrobaqepës! 70-vjeçari që qep kostume për burra në Lezhë: Ishim familje e persekutuar, nisa punën kur mbarova klasën e 8-të

Në rubrikën “personazh” të kësaj të diele do t’ju njohim me Irfan Frashërin, rrobaqepësi më i vjetër në Lezhë, dhe i vetmi që qep kostume për burra. Ai ka kaluar një jetë të vështirë, për shkak se në komunizëm ishte i persekutuar, por kjo nuk e ka ndalur të ushtrojë zanatin dhe sot numëron 55 vite punë mbi supe.

Prej më shumë se 5 dekadash, makina qepëse është pjesë e pandashme e jetës së tij. Irfan Frasheri e filloi punën kur ishte 15 vjeç, për shkak se rridhte nga familje e persekutuar, nuk iu dha mundësia për t’u arsimuar.

“Sapo kam përfunduar klasën e 8-të, kam nis punën, në vitin 1969. Meqenëse ne ishim familje e persekutuar, s’më çuan në shkollë dhe iu përkushtova zanatit”, shprehet Ifran Frashëri.

Prej vitit 1969 punon rrobaqepës në qytetin e Lezhës.

“Fillimet kanë qenë të vështira, bëra dhe kursin 9-mujor, por unë iu përkushtova këtij zanati. E kam pas edhe pasion rrobaqepsinë ndaj e vazhdova pa u ndalur. Zanati nuk të bën rehat por me jetu jeton. Gjilpëra sa ka vrimën, ka nafakën”, thotë ai, duke e ilustruar me një shprehje popullore.

70-vjeçari është i vetmi që qep kostume për burra në Lezhë. Me këtë zanat ka rritur dhe shkolluar 3 fëmijët, të cilët kanë ndjekur ëndrrat e tyre. Asnjëri nuk është bërë rrobaqepës, madje siç tregon Irfani, pakkush ndër të rinjtë dëshiron të ndjekë degët profesionale.

Ky profesion ka lodhje dhe vështiresitë e veta, por 70-vjeçari e konsideron punë artistike, ndërsa makina e qepjes që përdor është prodhuar plot 85 vite më parë.

“Makina ka shumë vite, por unë s’mund të punoj me makina elektrike, e kam më kollaj me makinë mekanike se jam mësuar shumë vite me këtë makinë. Sa të kem mundësi do të punoj. Është punë e bukur kjo, por të rinjtë, sidomos djemtë kanë marrë rrugën për jashtë. Lezha do ketë mungesa të jashtëzakonshme, sot për sot unë jam rrobaqepësi i fundit për burra në Lezhë”, vijon më tej ai. 

Sot, rrobaqepësi më i vjetër në Lezhë Irfan Frashëri thotë se nuk do t’i ndahet profesionit, duke sfiduar moshën e pensionit.

A.M./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 13/02/2023 00:33

    E vleresoj kete zoteri te nderuar per punen qe ben.Rrobaqepsia per burra eshte shume e veshtire dhe kete pata rast t'a vleresoj kur pashe qe nuk behet fjala thjesht per te qepur nje kostum,apo nje kemishe e pantallona.Te kostumet e burrave qe jane me vija,ose kuadrate nje e qepur e shkelqyer eshte kur ne vendet ku takohen pjese te ndryshme,p.sh.menga me supin,gjoksin,ose shpinen,vijat,ose kuadratet e ketyre pjeseve te ndryshme perputhen ne menyre te tille qe duhet te duken si vazhdim,si e njejta cope.Shume e veshtire per mendimin tim,prandaj ky zoteri dhe kolege te tij duhen vleresuar shume.Fustane mund te qepe kushdo,po kostumet e burrave ,jo cdo njeri eshte i afte t'i qepe sic duhet ne perfeksion.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Mashtroi për shitjen e një dyqani në Durrës me vlerë 72 mijë euro, ekstradohet nga Greqia 64-vjeçari (EMRI)

Mashtroi për shitjen e një dyqani në Durrës me vlerë 72 mijë euro, ekstradohet nga Greqia 64-vjeçari (EMRI)

26 Prill, 13:34